31.05.2013 / 10:34

Times of India: 75-гадовую расіянку і яе дачку не выпускаюць з бальніцы праз доўг

Індыйская бальніца не выпускае 75-гадовую расіянку і яе 26-гадовую дачку праз доўг у 4 млн рупій (каля $71 тыс.),

піша The Times of India. Гаворка ідзе пра Apollo Hospitals у Чэнаі. Як адзначае газета, аплачваць лячэнне няма каму, і бальніца апынулася ў бязвыхаднай сітуацыі. Аднак дактары працягваюць аказваць дапамогу пажылой пацыентцы, гаворыцца ў артыкуле.

Вольга Кандрацьева і яе дачка Таццяна знаходзяцца ў бальніцы з кастрычніка 2012 года. Вольга была шпіталізаваная з ліхаманкай дэнге і падключаная да апарата штучнай вентыляцыі лёгкіх. Нейкі Ліндсі Дэніэл, які знаходзіцца ў Вялікабрытаніі і называе сябе сябрам Вольгі, абяцае бальніцы аплаціць рахунак, але да гэтага часу грошы не паступілі, піша выданне.

Каб пакінуць каментар, калі ласка, актывуйце JavaScript у наладах свайго браўзеру