31.05.2013 / 11:51

Пад Мінскам абакралі царкву старавераў 7

Служка Старажытнаправаслаўнай паморскай (стараверскай) царквы ў в. Масцішча Валожынскага раёна апошні раз бачыла там абразы 26 мая ў 12.30. Раніцай 29 мая іх ужо не было.

Нягледзячы на тое, што дзверы ў царкве былі двайныя, злодзеям удалося ўзламаць абодва замкі, увайсці ўнутр і скрасці пяць абразоў: «Мікалай у 12 цудах», «Гасподзь Усеўладны», «Багародзіца покрыва», «Багародзіца з дзіцем», «Уваход Гасподні ў Іерусалім».

Тры абразы даволі вялікія, памерам не менш за метр. Яшчэ два — меншыя.

У царкве цяпер няма святара. Апошні памёр, а прыход невялікі, таму новы не прыязджае. Мясцовыя жыхары самі даглядаюць за царквой. Пераважна 78-гадовая жанчына, якая ўмее чытаць стараверскія кніжкі, і збірае людзей у царкве.

Яна і звярнулася ў міліцыю. Жыве жанчына непадалёк, за паўкіламетра ад царквы, але ў гэтыя дні туды не хадзіла. Сама царква знаходзіцца на водшыбе ў хмызняку, таму і іншыя мясцовыя жыхары паблізу праходзяць рэдка.

Валожынскі райаддзел Следчага камітэта просіць усіх, хто што-небудзь ведае пра здарэнне, звяртацца па тэлефонах:
102, 8-029-688-27-20 (старшы следчы Уладзімір Уладзіміравіч Ланько), 8-029-668-90-83 (начальнік крымінальнага вышуку Артур Гургілоевіч Махмудаў)

0
верующий / Адказаць
31.05.2013 / 12:42
Уже бы побоялись Бога трогать церковь староверов ввиду их абсолютной бедности и не стяжательства, что-то не разу не видел староверов с урнами для сбора пожертвований, церковной торговли и дорогих авто, на которых рассекают попы МП РПЦ.
0
2верующий / Адказаць
31.05.2013 / 13:00
А калхозы адкуль? Цяпер разумею, чаму мы бедныя і не сьцяжальныя, ці як там па вашаму!?
0
Partyzanka / Адказаць
31.05.2013 / 13:21
Я не знаю дакладна, але мне казалі, што ўсе воры з царквы ў Падлессі ўжо памерлі, прычым першы адкінуўся ў першы ж месяц
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру