31.05.2013 / 12:05

У інтэрнэце з'явіліся фота вагона, пашкоджанага падчас выбуху ў метро ў красавіку-2011

У інтэрнэце з’явіліся фатаграфіі вагона, які быў пашкоджаны падчас выбуху на станцыі метро «Кастрычніцкая» 11 красавіка 2011 года. Здымкі размешчаны Вконтакте ў групе «Беларуская чыгунка».

Як паведамляецца ў блогу праекта Minsk-Metro.net, пасля тэракту цягнік адкацілі ў электрадэпо «Маскоўскае», дзе да яго да канца расследавання мелі доступ толькі супрацоўнікі міліцыі.

Цяпер лёс вагона 1494 невядомы, хутчэй за ўсё, ён трапіць пад утылізацыю.

Каб пакінуць каментар, калі ласка, актывуйце JavaScript у наладах свайго браўзеру