У Празе (Чэхія) зачыненыя восем станцый метрапалітэна.
Вада ў рацэ Влтава прыбывае хутчэй, чым чакалі чэшскія выратавальныя службы. У 40 гарадах краіны ўжо аб'яўлены трэці, самы высокі, узровень небяспекі. Вядома пра адну загінулую і трох зьніклых.
Экстранае пасяджэнне кабінета міністраў Чэхіі пачалося а 19-й. Будзе абмяркоўвацца пытанне аб дапамозе арміі насельніцтву.
Эвакуяваная адна з пражскіх бальніц, якая знаходзіцца паблізу Влтавы. Затопленыя падвалы і першыя паверхі многіх жылых дамоў, грамадскіх устаноў,дадае Радыё Свабода
Па паведамленнях з паўднёвых і паўночных раёнаў Чэхіі складваецца карціна бедcтва, супастаўная з самымі буйнымі паводкамі апошніх дзесяцігоддзяў. Найбольш пацярпелымі раёнамі зноў становяцца на поўдні горад Чэскі-Крумлаў, на поўдзень ад Прагі – Табар і Пісэк, на поўнач ад Прагі -- Усці-над-Лабэм, дзе ў панядзелак чакаецца ўздым вады на восем мэтраў вышэй за нармальны ўзровень.
Моцныя паводкі таксама фіксуюцца ў Германіі і Аўстрыі.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі12
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце3939
Каментары