06.06.2013 / 10:21

Гары Каспараў вырашыў не вяртацца ў Расію 17

Палітычны дзеяч і чэмпіён свету па шахматах Гары Каспараў прыняў рашэнне эміграваць з Расіі. На прэс-канферэнцыі, якая праводзілася 4 чэрвеня ў Жэневе, Каспараў патлумачыў, што баіцца пераследу з боку расійскіх уладаў.

«Я ездзіў туды і назад аж да канца лютага, калі стала ясна, што расследаванне дзейнасці палітычных актывістаў можа закрануць і мяне, -- заявіў Каспараў. -- Цяпер я сур'ёзна сумняваюся, што па вяртанні ў Маскву мне ўдасца выехаць назад. Так што на некаторы час я ад вяртання ў Расію устрымаюся». Раней, у красавіку, палітык заяўляў, што чуткі пра яго эміграцыю з'яўляюцца перабольшаннем.

Каспараў актыўна ўдзельнічаў у дзейнасці расійскай апазіцыі з сярэдзіны 2000-х.
У прыватнасці, ён прымаў удзел у стварэнні і рабоце арганізацый «Аб'яднаны грамадзянскі фронт» і «Салідарнасць». Палітыка двойчы затрымлівалі за ўдзел у несанкцыянаваных палітычных акцыях, у 2007 годзе ён быў арыштаваны на пяць сутак, і праваабарончая арганізацыя Amnesty International абвясціла яго «вязнем сумлення».

0
віКніК / Адказаць
06.06.2013 / 10:26
шыбка вумным не месца ў расейцы
0
Хведзя / Адказаць
06.06.2013 / 10:35
Шкада Расію. Прадказваю там чарговы ўсплеск антысемітызму, асабліва ў каментах пад гэтай навіной на рускіх сайтах.
0
Няпросты саўгаснік / Адказаць
06.06.2013 / 10:37
>Палітычны дзеяч і былы чэмпіён свету па шахматах Няма былых чэмпіёнаў свету па шахматах, так жа як не бывае былых алімпійскіх чэмпіёнаў. Выпраўце.
Паказаць усе каментары/ 17 /
Каб пакінуць каментар, калі ласка, актывуйце JavaScript у наладах свайго браўзеру