Тэлевізійная драма Міхаіла Казакова пра Баха й Гендэля.
Лад, 21.20 (паўтор 29 жніўня 08.50)
Вячэра ў чатыры рукі (Ужин в четыре руки) Расея, 1999, каляровы, 98 хв. Рэжысэр: Міхаіл Казакоў Ролі выконваюць: Міхаіл Казакоў, Яўген Сьцяблоў, Анатоль Грачоў Жанр: Тэлевізійная драма паводле п’есы Паўля Барца “Магчымая сустрэча” Прэміі: Прыз “Тэфі” за найлепшы тэлевізійны гульнявы фільм (рэжысэр Міхаіл Казакоў і прадусар Рубэн Дзішдзішан), прыз “Тэфі” за найлепшую мужчынскую ролю (Яўген Сьцяблоў) Адзнака: 7 (з 10)
Гэтай сустрэчы ніколі не было, але яна магла бы адбыцца…
Ляйпцыг, 1747 год. Кампазытар Георг Гендэль (Міхаіл Казакоў) запрашае Сэбасьцьяна Баха (Яўген Сьцяблоў) на вячэру ў гатэль…
Георг Гендэль, улюбёнец публікі й вышэйшага сьвету, слынны папсавік 18 стагодзьдзя – і сьціплы кантар царквы Сьвятога Тамаша, бацька дваццаці дзяцей Сэбасьцьян Бах…
Мастацтва й прыстасавальніцтва, талент і публіка, вечнае й зямное. Моцная драматургія, камэрна-напружаная акторская гульня – і адвечны сюжэт.