Джоні Дэпу — 50 7

Джоні Дэп у фільме «Эдвард Рукі-нажніцы».

Роля Джэка Вераб'я ў трылогіі «Піраты Карыбскага мора».

У фільме «Суіні Тод» Дэп сыграў маньяка-цырульніка і прадэманстраваў свае вальныя здольнасці.

У фільме «Эд Вуд» Дэпу давялося апранацца ў жаночае.

Роля Уільяма Блэйка ў культавым «Мярцвяку» Джыма Джармуша.

Роля Вілі Вонкі ў казцы Ціма Бёртана «Чарлі і шакаладная фабрыка».

Анімацыя Бёртана «Труп нявесты».

Біяграфічны фільм «Джоні Д», Дэп у ролі гангстара Джона Дзілінджэра.

Джон Крыстафер Дэп нарадзіўся 9 чэрвеня1963 у Авесбора, ЗША, у сям’і інжынера і афіцыянткі.

Дэбютам у кіно для Дэпа стаў фільм Уэса Крэйвэна «Жах на вуліцы Вязаў» (A Nightmare on Elm Street), зняты ў 1984.

Сапраўдную знакамітасць актору прынесла роля ў чарговай казцы Ціма Бёртана — «Эдвард Рукі-нажніцы». Рэжысёр аддаў перавагу маладому пачаткоўцу, хоць перад гэтым разглядаў кандыдатуры на галоўную ролю сярод шэрага сапраўдных зорак Галівуда — Тома Круза, Роберта Даўні-мал. і Джыма Кэры.

Пазней Джонні Дэп сыграе не адну ролю ў фільмах Бёртана і ўсе яны будуць карыстацца вялікім поспехам.

Першая дэкада 2000-х прайшла для Дэпа пад знакам ролі эксцэнтрычнага пірата Джэка Вераб’я ў трылогіі «Піраты Карыбскага мора». Адначасова Дэп паўдзельнічаў у анімацыйнай стужцы Бёртана «Труп нявесты», замацаваўшы поспех у 2011-м у мульце Гора Вербінскі «Ранго».

Ёсць у арсенале актора і некалькі біяграфічных фільмаў. У 1994 годзе ўсё той жа Бёртан зняў фільм пра рэжысёра Эда Вуда, аўтара трэшавых стужак. Галоўную ролю выканаў Дэп. У 1997 годзе ён сыграў агента ФБР Джозэфа Пістонэ, засланага ў адну з мафіёзных груповак Брукліна. А ў 2009-м ён прымераў на сябе вобраз грознага гангстара 30-х Джона Дзілінджэра.

Джоні Дэп тройчы намінаваны на Оскар і восем разоў на Залаты Глобус.

Да 2012-га жыў у грамадзянскім шлюбе з французскай спявачкай і актрысай Ванесай Парадзі. У іх двое дзяцей.

0

0

0

0

0

0