У Калінкавіцкім раёне вадзіцель, кіруючы аўтамабілем «ЗіЛ-130», які перавозіў дошкі, не пракантраляваў мацаванне грузу, у выніку чаго яны ўпалі на сустрэчны «Фольксваген-Пасат». У легкавым аўтамабілі ехала сям’я з трох чалавек.
Як паведамляе УДАІ УУС Гомельскага аблвыканкама, у выніку ДТЗ пацярпелі пасажыры «Фольксвагена» — 42-гадовая жонка вадзіцеля і 22-гадовы сын. Са шматлікімі траўмамі яны былі дастаўлены ў бальніцу. ДТЗ адбылося 14 чэрвеня.
У гэты ж дзень у Рэчыцы адбылося ДТЗ з удзелам матацыкла. Вадзіцель аўтамабіля «Вольва-940» пры ажыццяўленні развароту не прадаставіў перавагу і ўчыніў сутыкненне з сустрэчным матацыклам «Сузукі». У выніку ДТЗ 28-гадовы вадзіцель матацыкла з пераломам ключыцы і ўдарамі шпіталізаваны. Матацыкліст быў у моташлеме. Ён пазбаўлены вадзіцельскага пасведчання на 36 месяцаў за кіраванне транспартам у нецвярозым стане.
Алена Германовіч, БелаПАН
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
