Больш фотаў глядзіце тут.
Знаёмцеся, Твігі — вавёрка, якая любіць водныя лыжы. Яна спакойна катаецца на іх па цёпламу басейну, ідучы за цацачным катэрам, якім «кіруюць» яе цацачныя суродзічы.
Гэта прадстаўленне пачалося ў 1978 годзе, дзякуючы Чаку і Лу Эн Бэст. Яны выратавалі ваверчаня з вады, куды тое звалілася пасля моцнага ветру.
Вавёрка хутка адаптавалася ў доме сваіх выратавальнікаў, а неўзабаве выявіла незвычайны талент. Жывёлінка навучылася катацца па вадзе на цацачных водных лыжах.
Хутка гэтае адкрыццё перарасло ў папулярнае шоу, пра якое пісалі газеты і здымаліся перадачы для тэлеканалаў. Не адно пакаленне вавёрак удзельнічае ў ім да нашых дзён. Усіх іх аб’ядноўвае імя Твігі, водныя лыжы і любоў шматлікіх прыхільнікаў.
