24.06.2013 / 14:32

У ЕС забароняць ментолавыя цыгарэты, электронныя дазволяць толькі ў аптэках 4

Міністры аховы здароўя 27 краін Еўрасаюза ў пятніцу прынялі рашэнне забараніць араматызаваныя цыгарэты. Медыкі мяркуюць, што ментолавыя цыгарэты ці тытунёвыя вырабы з араматамі з’яўляюцца прычынай папулярызацыі курэння сярод падлеткаў.

Цяпер, каб гэтыя рашэнні набылі сілу, іх павінен ухваліць Еўрапейскі парламент.

Джэймс Рэйлі, міністр аховы здароўя Ірландыі (што старшынствуе ў ЕС) паведаміў, што такія захады ёсць вялізным крокам у барацьбе з курэннем. Паводле яго слоў, шкодная звычка, якая забірае жыцці 700 тысячаў еўрапейцаў штогод, зараз мяняе мэтавую аўдыторыю — маркетынг тытунёвых кампаніяў накіраваны на падлеткаў.

Сапраўды, паводле статыстыкі Еўракамісіі, якая сцвярджае, што хоць 50% курцоў паміраюць у сярэднім на 14 гадоў раней за тых, хто не курыць, 70% пачынаюць курыць ва ўзросце да 18 гадоў. Усяго у ЕС курыць траціна насельніцтва.

Падчас сустрэчы міністры аховы здароўя краін-членаў ЕС пераглядзелі і прававы статус электронных цыгарэтаў.

Гэтыя прылады з’явіліся адносна нядаўна — у пачатку 2000-х гадоў і па сутнасці з’яўляюцца інгалятарамі, таму не падпадаюць пад законы, якія рэгулююць абарот і спажыванне тытуню. Таму галоўныя медыкі краін ЕС прапанавалі класіфікаваць электронныя цыгарэты як лекі, што пацягне за сабою іх доўгія і пільныя даследаванні па ўплыве электронных цыгарэтаў на здароўе, якіх яшчэ не праводзілі.

Прызнанне электронных цыгарэтаў лекамі таксама звузіць магчымасці іх распаўсюджвання — іх можна будзе набыць толькі ў аптэках.

Удзельнікі кангрэсу таксама прапанавалі забараніць тонкія цыгарэты, аднак гэтая папраўка ў заканапраект не была прынятая, бо Чэхія, Польшча, Румынія, Славакія і Балгарыя выступілі супраць праз магчымы негатыўны эфект для эканомікі.
Была і яшчэ адна невялікая перамога тытуню: плошчу цыгарэтнага пачка, якая павінна быць пакрыта папярэджваннямі аб шкодзе курэння і фатаздымкамі хворых органаў курцоў, знізілі з 75 да 65%.

Кірыла Хілько

0
LMI / Адказаць
24.06.2013 / 15:44
Я б і ў Беларусі ўвеў продаж электроных цыгарэт праз аптэку з адпаведным адсочваньнем сумленнасьці вытворцы і адпаведна якасьці вырабу. Сам дарэчы планую перайсьці на гэтыя цыгарэты, але пакуль стрымлівае шматлікая інфармацыя, часьцяком занадта камерцыйная.
0
Злой! / Адказаць
24.06.2013 / 16:01
капитализм во всей красе.
0
Австрияк / Адказаць
24.06.2013 / 18:15
Бросил как полтора года, не нарадуюсь!!!
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру