24.06.2013 / 19:49

Берлусконі асудзілі на сем гадоў турмы за сэкс з непаўналетняй прастытуткай 23

Акрамя гэтага, суд у Мілане пажыццёва забараніў 76-гадоваму палітыку займаць дзяржаўныя пасады.

Былы прэм’ер-міністр Італіі Сільвіё Берлусконі асудзілі на сем гадоў турмы за сэкс з непаўналетняй прастытуткай і злоўжыванне службовым становішчам. Прысуд уступіць у сілу, калі Берлусконі не ўдасца яго абскардзіць.

Акрамя гэтага, суд у Мілане пажыццёва забараніў 76-гадоваму Берлусконі займаць дзяржаўныя пасады.

Калегія з трох суддзяў — усе жанчыны — пакарала Берлусконі больш жорстка, чым прапаноўвалі пракуроры: тыя прасілі шасцігадовага зняволення.

Берлусконі, зрэшты, адправіцца ў турму толькі ў тым выпадку, калі прайграе апеляцыі ў двух вышэйстаячых інстанцыях.

Зараз Сільвіё Берлусконі не займае ніякіх афіцыйных пасадаў, але яго партыя «Народ свабоды» грае важную ролю ў цяперашняй далікатнай, па ацэнцы палітычных каментатараў, урадавай кааліцыі.

Былы італьянскі прэм’ер усе вылучаныя супраць яго абвінавачванні адмаўляе.

Скандал вакол эратычных вечарынак «бунга-бунга», якія ладзіліся на віле былога прэм’ер-міністра, разгарэўся ў пачатку 2011 года.

Пракуратура лічыць, што жанчыны, якіх запрашалі ў рэзідэнцыю Берлусконі на гэтыя мерапрыемствы, былі прастытуткамі — часткай злачыннай сістэмы, створанай спецыяльна для таго, каб абслугоўваць прэм’ера.

0
г-г-г / Адказаць
24.06.2013 / 20:18
Грамадскае меркаваннье лічыць, што спаў з непаўнагадовай, а значыць - гэта факт.
0
седзіна ў бораду..... / Адказаць
24.06.2013 / 21:01
76 - гэта дзед дзедам....... а ен усе "бунга-бунга "
0
завай усё што у штанах / Адказаць
24.06.2013 / 21:54
Дурны стары, сказау бы, што у мяне ужо нима ничога у штанах, ни крутых ни у смятку.
Паказаць усе каментары/ 23 /
Каб пакінуць каментар, калі ласка, актывуйце JavaScript у наладах свайго браўзеру