25.06.2013 / 12:05

Універсам «Талін» стане «Еўраоптам». Былы дырэктар: адбыўся рэйдэрскі захоп 22

Гэта будзе 142-я крама сеткі ў краіне.

З 1 ліпеня сталічны ўніверсам «Талін» на захадзе горада стане «Еўраоптам».
Гэта будзе 142-я крама сеткі ў краіне. У Мінску ж колькасць «Еўраоптаў» дасягне трох дзясяткаў.
Змена назвы крамы адбылася са скандалам. Былы дырэктар ЗАТ «Магазін Талін» Віктар Янушкоў заявіў, што адбыўся рэйдарскі захоп.

«Незаконна захопленыя акцыі магазіна, звольнены кіруючы склад і шэраг ключавых супрацоўнікаў, шляхам пагроз і неправамерных дзеянняў, а таксама без згоды акцыянераў праводзіцца незаконная рэарганізацыя прадпрыемства і здача ўнаём трэцім асобам», — цытуе Янушкова БелаПАН.

Ён зазначыў, што яшчэ да мая быў дырэктарам прадпрыемства, аднак «у маі, калі знаходзіўся на бальнічным, узламваюцца дзверы, перакідваюць усю дакументацыю», пасля чаго, паводле слоў Янушкова, падпрыемствам сталі кіраваць іншыя людзі.

* * *

Універсам «Талін» быў заснаваны ў 1982 годзе. Ён знаходзіцца па адрасе г. Мінск, вул. Бурдзейнага, д. 11 (мікрараён Захад-2). Паводле звестак былога кіраўніцтва, колькасць працоўнага калектыву гандлёвага прадпрыемства складае 250 чалавек, штомесячны тавараабарот — 14 млрд. рублёў.

ЯМ, паводле БелаПАН

0
znikla / Адказаць
25.06.2013 / 12:23
Неее!!!!!!!!!! Неее!!!! Гэта быў выдатны прыстойны магазін з вельмі вялікім выбарам самых розных прадуктаў, з добрай кулінарыяй... Канец усяму гэтаму. Еўраопт ужо спаганіў "Нарач" у тым жа раёне, дык цяпер і "Талін" стане такім жа цэнтрам жыцця сумнеўнага не заўжды цвярозага і адэкватнага кантынгенту, якія раней сядзелі па дварах, але са з'яўленнем Еўраопта раптоўна вылезуць адусюль і збяруцца ля яго дзвярэй. Мужчынам з даўгімі валасамі хадзіць туды будзе небяспечна для жыцця. "Талін" стане такой жа брыдкай клаакай з гнілой садавіной і гароднінай, з брудам на падлозе, з раскіданымі скрынямі прадуктаў у без таго вузкіх праходах, з мізерным выбарам, з пераблытанымі і адсутнымі цэннікамі і вялізнымі чэргамі з таго ж сумнеўнга кантынгенту. Пекла. Еўраопт паступова і ўпэўнена знішчае ў Беларусі культуру добрых магазінаў і культуру іх наведвання.
0
Віталь з Менску / Адказаць
25.06.2013 / 12:42
Між іншым, навучэнцы і настаўнікі менскай акадэміі музыкі, што ля плошчы Свабоды, распаўсюджваюць між сабой інфармацыю, што рыхтуецца перасадка ўсяго персаналу акадэміі з будынка акадэміі ў межы карпусоў універсітэта культуры. А сам будынак пойдзе пад нейкае чарговае элітнае казіно. Гэтаксама плануецца вызваленне карпусоў гуртожытка акадэміі музыкі, з пераводам іх жыхароў на нейкія жыллёвыя плошчы ў Шабанах. Публічна ніхто з выкладчыкаў не хоча пацвярджаць гэтую інфармацыю, але між сабой і між сваімі інфармацыяй яны дзеляцца. Прапаную журналістам НН правесці следства і ўзняць гэтую тэму на сваіх старонках.
0
Лужкоу / Адказаць
25.06.2013 / 13:17
Цэнтр - для багатых.
Паказаць усе каментары/ 22 /
Каб пакінуць каментар, калі ласка, актывуйце JavaScript у наладах свайго браўзеру