31.08.2007 / 11:38

Мікалай Пінігін паставіць «Пінскую шляхту» 3

Пастаноўку тэатар прысьвячае 200-годзьдзю з дня народжэньня Дуніна-Марцінкевіча, годам якога ЮНЭСКА абвясьціла 2008 год.


Мікалай Пінігін

Нацыянальны акадэмічны тэатар імя Янкі Купалы традыцыйна пачне новы сэзон купалаўскай “Паўлінкай” 5 верасьня.

Спэктакль купалаўцы прысьвячаюць 100-годзьдзю з дня нараджэньня народнага артыста Беларусі Зьдзіслава Стомы, які доўгі час выконваў ролі пана Быкоўскага і Пустарэвіча.

У новым сэзоне мастацкі кіраўнік тэатру Валер Раеўскі плянуе ажыцьцявіць пастаноўку сярэднявечнага дэтэктыву, рабочая назва яе “Гэта было 500 гадоў таму”. П’есу напісаў Аляксей Дудараў па матывах дакумэнтальнай аповесьці “Чорны шлях” Кастуся Тарасава.

Рэжысёр Мікалай Пінігін плянуе пачаць працу над спэктаклем паводле п’есы Вінцэнта Дуніна-Марцінкевіча “Пінская шляхта”. Пастаноўку тэатар прысьвячае 200-годзьдзю з дня народжэньня Дуніна-Марцінкевіча, годам якога ЮНЭСКА абвясьціла 2008 год.

А з 26 кастрычніка па 10 лістапада на базе Купалаўскага тэатру пройдзе III Міжнародны фэстываль тэатральнага мастацтва “Панарама”. Фэстываль зьбярэ тэатры з 10 краінаў сьвету і прадставіць менскаму гледачу 19 найлепшых спэктакляў.

0
hladach / Адказаць
31.08.2007 / 17:39
Супер! Спадар Пінігін, чакаем!!!
0
Скарына / Адказаць
02.09.2007 / 00:24
Цікава, на якой мове будуць ставіць п'есу: на беларускай, або моваю арыгінала? Дарэчы, некаторыя сцвярджаюць, што Дунін-Марцінкевіч да "Пыньскай шляхты" меў вельмі слабое дачыненне... Вось, так заўсёды, як ў тым анегдоце: Муму Тургенеў напісаў, а помнік Пушкіну паставілі. :)
0
руды / Адказаць
04.09.2007 / 11:42
Пинигин - интересный мастер.
Каб пакінуць каментар, калі ласка, актывуйце JavaScript у наладах свайго браўзеру