У Брэсце пасля рэканструкцыі адкрыты корпус дзіцячай абласной бальніцы

Ад будынка 1968 года засталіся толькі капітальныя сцены. Усё астатняе, у тым ліку і камунікацыі, замянілі.

Каля 23 мільярдаў беларускіх рублёў — у такую суму вылілася мадэрнізацыя корпуса. З іх 3,2 мільярда пайшлі на закупку медыцынскага і тэхналагічнага абсталявання: салянай шахты, 16 разнавіднасцяў абсталявання для фізіятэрапіі, апарата для размарожвання плазмы, нейраэнцэфалографа, нейраміёграфа і г.д.

У корпусе, разлічаным на 120 ложкаў, знаходзяцца кардыярэўматалагічнае, неўралагічнае, гастраэнтэралагічнае, пульманалагічнае і фізіятэрапеўтычнае аддзяленні.

b-g.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ