03.07.2013 / 10:25

Грыбаўскайце выступае за развіццё кантактаў з краінамі Усходняга Партнёрства нягледзячы на аўтарытарызм 8

У адваротным выпадку свой уплыў у Беларусі, Украіне ды іншых краінах шасцёркі будзе ўзмацняць Расія, заявіла прэзідэнтка Літвы Даля Грыбаўскайце ў інтэрв’ю брытанскай газеце «Файнэншыал таймс».

Літва на паўгода пераймае прэзідэнцтва ў Еўрасаюзе і супрацьстаянне расійскаму ўплыву на ўсход ад Еўропы стане адной з асноўных задач краіны. Літва аднойчы ўжо выклікала шал Крамля, калі настойвала на антыманапольным расследаванні супраць «Газпрама».

Ключавое пытанне для еўрапейскай дыпламатыі — ці падпісваць дамову аб асацыяцыі з Украінай, калі з турмы не выпусцяць Юліі Цімашэнкі, былой прэм’еркі краіны. На думку еўрапейцаў, справа Цімашэнкі паітычна матываваная і ўяўляе сабой прыклад выбаркавага прымянення закона.

Дамова аб асацыяцыі стварае зону свабоднага гандлю і акрэслівае кірункі гарманізацыі заканадаўства з еўрапейскім. Гэта важны крок на шляху да ўступлення Украіны ў Еўрасаюз, якое змяніла б геапалітычную мапу Еўропу. У такім выпадку Беларусь аказалася б аточаная краінамі ЕС.

Хочаш падзяліцца важнай інфармацыяй ананімна і канфідэнцыйна?

Мікола Бугай

0
LMI / Адказаць
03.07.2013 / 10:38
З асноўнай тэзай - калі не Эўропа, то АБАВЯЗКОВА Расея тут панаваньне канчаткова захопіць - нельга не пагадзіцца. Вось толькі пытаньне ў тым, а як жа супрацоўнічаць, на якім падмурку, з кім, на якіх умовах. Таксама нечуваць нічога аб ціску (менавіта ціску - нягледзячы на газава-нафта-грашовыя сувязі) на Расею ў звязку таго, што яна цалкам падтрымоўвае дыктатуры і крымінальныя рэжымы ў гэтым рэгіене.
0
Якіх кантактаў? / Адказаць
03.07.2013 / 10:44
Што, Даля будзе нафту і газ за поўцаны даваць ці крэдыты? Што яна можа цэннага для нязменнага прапанаваць? Ці ўсё будзе як ёсць, але без санкцый? Шкада, што камуністке пашанцавала стаць прэзідэнтам дэмакратычнай краіны, з такімі як сама да сіх пор бы маркса-леніна каспектавала.
0
Напiльнiк / Адказаць
03.07.2013 / 12:53
За што яшчэ выступае міс Вільнюс?
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру