03.07.2013 / 11:54

Згарэў культавы музычны хутар Шаблі 9

Ілюстрацыйнае фота

Ноччу, з 1 на 2 ліпеня, на хутары Шаблі ў вёсцы Малое Запруддзе (Валожынскага раёна) здарыўся пажар. Месца вядомае тым, што там адбываюцца гучныя фэсты «Пікнік», «Вольнае паветра» ды інш.

Пра тое, што гарыць дах дома, выратавальнікам паведамілі суседзі.

— Загарэўся другі паверх, — кажа старшы інжынер Валожынскага дзярпажнагляду Віталь Маршалок. — Мужчына паліў у печы і пакінуў яе без нагляду. З-за гэтага і пачаўся пажар.

Мужчына, які адзін жыве ў доме, не пацярпеў.

Мясцовыя жыхары расказалі, што хутар значна пацярпеў ад гэтага пажару.

У Шаблях праводзяцца розныя музычныя фестывалі. Стварыў хутар былы дырэктар NRM, заснавальнік агенцтва «Лінія гуку» Уладзімір Шаблінскі.

Хочаш падзяліцца важнай інфармацыяй ананімна і канфідэнцыйна?

0
andrejka / Адказаць
03.07.2013 / 12:22
Шкада, шкада... там такое месца, такая прыгажосць...
0
цюбіцейка / Адказаць
03.07.2013 / 12:37
Андрэйка, там такая прыгажосць была з-за хутара, ці хутар стаяў сярод прыгажосці? Калі другое, то яна і застлася - чаго шкадаваць?
0
husi / Адказаць
03.07.2013 / 12:55
Гучны фэст "Пікнік" там быў адзін, летась. А шматразовым ёсьць "Вольнае паветра і шмат іншых праходзіла, Спадзяюся, што й будуць праходзіць. Чакаю на інфармацыю ад гаспадароў пасьля аналізу здарэньня, чым дапамгчы для хутчэйшага узнаўленьня.
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру