05.07.2013 / 13:49

Адкрыта транспартная развязка Ціміразева/Арлоўская 1

Поўнасцю адкрыты рух на транспартнай развязцы на перасячэнні вуліц Ціміразева і Арлоўскай у Мінску, паведамляе сталічная Дзяржаўтаінспекцыя.

Па гэтым транспартным вузле ўжо рухаецца грамадскі транспарт. Перад з’ездам з вуліц Ціміразева і Арлоўскай прадугледжаны пераходна-хуткасныя палосы, што дазваляе выключыць канфлікты паміж транспартам, які рухаецца ў прамым напрамку, і транспартам, які з’язджае на іншую вуліцу. Уладкаваныя падземныя пешаходныя пераходы. Перасячэнне ў розных узроўнях выканана з поўнай развязкай руху, што дазваляе транспарту раз’язджацца ва ўсіх напрамках.

Вуліца Арлоўская — частка другога гарадскога транспартнага кальца Мінска. Вуліца Ціміразева — адна з «вылетных» магістраляў горада.
Адкрыццё транспартнай развязкі на перасячэнні гэтых вуліц дазволіла знізіць транспартную нагрузку на праспекце Пераможцаў і вуліцы Прытыцкага, а таксама зменшыць транзітны рух цераз цэнтр горада.

0
Денис / Адказаць
06.07.2013 / 11:45
Она то открыта, только вот улица Тимирязева, а особенно прилегающая к ней ул.Саперов разбита как ни одна другая улица в Минске...Да и танки там завершили свое дело! Поэтому кому нафиг надо это открытие!Я лучше проеду лишних пару км. но объеду этот ужас стороной и не нужна мне эта чудо-развязка)))Все через одно место как обычно!
Каб пакінуць каментар, калі ласка, актывуйце JavaScript у наладах свайго браўзеру