Ад масавых гулянняў адмовіліся 5 год таму з-за немагчымасці забяспечыць выкананне ўсіх правілаў бяспекі, уведзеных пасля выбуху ў Мінску.
Паліць вогнішчы і ладзіць масавыя гулянні ў ноч з 6 на 7 ліпеня ў Баранавічах не будуць. Як паведамілі «Intex-press» ў Баранавіцкім гарвыканкаме, на Купалле ў гэтым годзе ніякіх мерапрыемстваў праводзіцца не будзе.
Ад масавых гулянняў у гэты вечар у горадзе адмовіліся яшчэ ў 2009-м з-за немагчымасці забяспечыць выкананне ўсіх правілаў бяспекі, уведзеных пасля выбуху ў Мінску ў ноч на 4 ліпеня 2008 года.
У Баранавіцкім раёне маштабнага масавага мерапрыемства ў ноч на Івана Купала таксама не запланавана.
Паводле інфармацыі раённага арганізацыйна-метадычнага цэнтра Баранавіцкага райвыканкама, у дамах культуры і клубах будуць арганізаваны тэатралізаваныя паказы і выступы мясцовых калектываў.
0
0
0
0
0
0
