03.09.2007 / 17:26

Кожнаму гораду – па новым Леніну 10

Шчучын і Слонім на свае юбілеі атрымаюць помнікі правадыру сусьветнага пралетарыяту.

На Гарадзеншчыне два гарады адзначаць круглыя даты: Шчучын 470‑годзьдзе, а Слонім 755‑годзьдзе ад дня заснаваньня.

Да сьвята прывядуць у парадак цэнтральныя часткі гэтых двух гарадоў, дзе адбудуцца ўрачыстыя мерапрыемствы, аўтавакзалы. У цэнтры Шчучына аднаўляецца разбураная ў 60‑х гадах мінулага стагодзьдзя вежа‑гадзіньнік. Вежа будзе сягаць 8 м у вышыню. Збудуюць яе з чырвонай цэглы. Гадзіньнік замовілі ў Маскве, ён будзе чатырохбаковым. Да друку падрыхтаваная кніга, прысьвечаная гісторыі гораду і раёну. У Слоніме даводзяць да ладу цэнтральны сквэр, над якім працуюць спэцыялісты з Баранавічаў. Тут ўжо выклалі пліткай ходнікі, а праз Шчару перакінулі новы мост.

Акрамя ўсяго Слонім ды Шчучын атрымаюць яшчэ па адным падарунку — на радзіме Мілінкевіча ўсталююць бронзавага, а ў горадзе над Шчарай меднага Леніна. Дзеля гэтага з чорнага мармуру вырабілі навюткія п’едэсталы. На Гарадзеншчыне гэта ня першы выпадак вяртаньня правадыра сусьветнага пралетарыяту на гарадзкія плошчы. Так, у 1998 г. рыхтуючы да 200‑гадовага юбілею Адама Міцкевіча ў Наваградку спачатку зьнесьлі стары помнік Леніну, а потым у іншым месцы гарадзкой плошчы ўсталявалі бюст Ільічу. Вырабілі яго на «дабраахвотныя» ахвяраваньні прадпрымальнікаў.

Паводле BulletinOnline.org

0
Radykal / Адказаць
03.09.2007 / 18:33
Прыйдзе час, i тыя, хто аддаваў загад ставіць нанова сатанінскага ідала, заплацяць за тыя масенжы (рас. бронза) ды мармуры з уласнай кішэні. Хай ведаюць.
0
UsAnon / Адказаць
03.09.2007 / 21:20
Даражэнькі Радыкальчык, за Вашыя паланізмы Вам дадуць бясплатны від на жыхарства ў Ляхастане.
0
Nda / Адказаць
03.09.2007 / 23:43
[web@nn.by: дзякуй, паправілі]
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру