03.09.2007 / 19:30

Мала сыру 11

Попыт на беларускі сыр перавышае прапанову ў 50 разоў.

Апошнія паўгоду назіраецца выгадная кан’юктура на рынках малочных прадуктаў. Гэта дазваляе айчынным малаказаводам трымацца прыбытковасьці.

На таргах, што ладзіліся Беларускай унівэрсальнай гандлёвай біржай (БУГБ) у апошні дзень жніўня, попыт на беларускі сыр перавысіў прапанову ў 50 разоў, паведамляе «Белорусы и рынок». Прычынай такой істотнай разьбежкі стала тое, што свой тавар агульным аб’ёмам 30 т прапанавалі толькі два прадаўцы, у той час як пакупнікі, якіх было 19, падалі заяўкі на 1710 т сыру. Сярэдняя цана продажу склала 4,5‑2,62 $/кг.

Тыднем раней БУГБ таксама ладзіла таргі сырам. У іх прымалі ўдзел 15 замежных пакупнікоў і 7 беларускіх прадаўцоў. Тады попыт перавысіў прапанову ў 6 разоў — 1310 т паводле заявак пакупнікоў супраць прапанаваных беларусамі 189 т сыру. Відавочна, што папулярнасьць беларускага сыру расьце, аднак беларускія вытворцы, пра што сьведчаць апошнія таргі, не сьпяшаюцца па сёньняшнім кошце прадаваць сваю прадукцыю. Ахвотна набываюць замежнікі і беларускі казеін, а таксама сухое абястлушчанае малако ды масла. У параўнаньні з аналягічным пэрыядам мінулага году сярэднія цэны на сухое малако ўзрасьлі больш чым у 2 разы, на тэхнічны казеін — удвая. За чатыры месяцы таргоў беларусы прадалі 2140 т масла, а цэны на яго за гэты час вырасьлі на 72%.

Горшыя справы зь мясам. На сёньня на складах захоўваецца каля 12000 т прадукцыі. Беларускае мяса ня хочуць набываць праз высокія кошты.

СП, паводле «Белорусы и рынок»

0
wint / Адказаць
03.09.2007 / 19:55
Дык якая была сярэдняя цана продажу?
0
UsAnon / Адказаць
03.09.2007 / 21:16
Можа, хтосьці й можа есці такую дрэнь, як "беларускі сыр" (неверагоднае словазлучэнне нават для пачынаючага гурмана), але я не ем мясцовага сыру і не раю нікому. Гэты прадукт нават "сырам" назваць нельга.
0
UsAnon / Адказаць
03.09.2007 / 21:27
Забыўся пра мяса. Нездарма ў Беларусь (здаецца, з 11.08) забаронены ўвоз усялякіх мясных прадуктаў. Дарэчы, выраб кілаграма ялавічыны абыходзіцца ў Беларусі ў 6 разоў (!!!) даражэй, чым у Галандыі. Дык ці не танней закупляць, а нашых прапойцаў-калгаснікаў пакінуць на волю лёсу? Га, таварышч празідзент? Ці шкада электарату?
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру