 |
Павал мусіў выйсьці на свабоду заўтра, але яго вывезьлі з ізалятара часовага ўтрыманьня ў невядомым кірунку.
Пра гэта даведаўся моладзевы актывіст зь Берасьця Андрэй Любянчук, знаёмы каторага дзяжурыў ля сьценаў СІЗА. Любянчук патэлефаванаў у ізалятар часовага ўтрыманьня гораду, дзе яму гэтую інфармацыю пацьвердзілі.
Севярынца зьвезьлі прыкладна а 19-й вечара.
Заўтра Павал павінен быў выйсьці на волю, адседзеўшы 15 сутак адміністрацыйнага арышту за арганізацыю прэзэнтацыі ў Берасьці кнігі «Лісты зь лесу». Але заўтра таксама пачынаецца судовы працэс над маладафронтаўцамі Настай Азаркай і Іванам Шылам. Ня выключана, што камусьці хочацца, каб Паўла не было заўтра ні ў Нясьвіжы, ні ў Салігорску.
0
0
0
0
0
0
