70-гадовы жыхар Гомеля раніцай 13 ліпеня адправіўся на адзін з вадаёмаў, дзе і заграз у глеі. Больш за 12 гадзінаў ён прастаяў у вадзе перш, чым яго пачулі выпадковыя мінакі.
Пажылы чалавек пайшоў да возера, каб наламаць лазы. У зарасніках яго і засмактала. Мужчына не змог выбрацца самастойна.
Яго крыкаў аб дапамозе ніхто не чуў, бо месца гэта досыць бязлюднае.Толькі ўвечары паблізу праходзілі людзі, якія пачулі старога і тут жа выклікалі ратавальнікаў.
Супрацоўнікі МНС дасталі пенсіянера з вады і перадалі медыкам для аказання неабходнай дапамогі.
0
0
0
0
0
0
