У вёсцы Гарадок Маладзечанскага раёна 17 ліпеня скралі два заднія колы ад трактара.
Работнікі калгаса знялі з яго стандартныя колы і паставілі на трактар больш вузкія. Яны збіраліся баранаваць бульбу.
«Гэта робіцца для таго, каб вялікімі коламі не падушылася бульба», — кажа следчы па асабліва важных справах Маладзечанскага аддзела Следчага камітэта Марына Рагінская.
Колы мужчыны пакінулі без нагляду. Вось іх і скралі.
Кошт украдзеных колаў — больш за 8 мільёнаў рублёў. Трактар абсалютна новы, яго калгас набыў летась.
0
0
0
0
0
0
