19.07.2013 / 13:38

Упершыню беларускі футбольны клуб узначаліла 22-гадовая дзяўчына 4

Дырэктар сталічнага «Партызана-МТЗ», які цяпер выступае ў 2-й лізе беларускага футбольнага чэмпіянату, Леанід Пяткевіч паводле ўласнага жадання пакінуў клуб. Новым дырэктарам «чырвона-белых» стала 22-гадовая Ганна Болбас.

Ганна скончыла БДУ па спецыяльнасці «Матэматык. Спецыяліст інфармацыйных тэхналогій», замужам.

Апошні год Ганна актыўна дапамагала ў працы клуба на валанцёрскіх пачатках, і сваім адказным падыходам да справы, энтузіязмам і энергічнасцю зарэкамендавала сябе з самага лепшага боку, паведамляе афіцыйны сайт клуба.
«Да станоўчых рысаў Ганны можна аднесці такія асабістыя якасці як высокая самаарганізацыя і дысцыпліна, пунктуальнасць, рашучасць. Са свайго боку заўзятары ФК «Партызан-МТЗ» жадаюць Ганне поспеху і абавязваюцца аказаць максімальную дапамогу і падтрымку ў кіраванні клубам», -- гаворыцца ў паведамленні на сайце клуба.

ФК «Партызан» некалі гуляў у вышэйшай лізе чэмпіянату Беларусі: двойчы станавіўся бронзавым прызёрам (2005, 2008), уладальнікам Кубка Беларусі (2005, 2008). У 2011 г. клуб сбанкрутаваў і зняўся з чэмпіянату, але заўзятары здолелі адрадзіць яго, заявіўшы ў ніжэйшы дывізіён.

nn.by

0
гр-н Вышелесский / Адказаць
19.07.2013 / 14:08
Смородская номер два? ;-)
0
Гродна / Адказаць
19.07.2013 / 14:55
поспехау клубу и дзяучыне!
0
Проныра / Адказаць
19.07.2013 / 18:07
Смородская воюет с фанатами, а Аню сами же фанаты и назначили директором
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру