Чарговы выпадак гібелі з-за слухавак на чыгунцы 5

Другі з пачатку 2013 года выпадак гібелі з-за навушнікаў (слухавак) адбыўся на беларускай чыгунцы.

Непадалёк ад Талачына падлетак 1999 года нараджэння, знаходзячыся на чыгуначных рэйках, не адрэагаваў на сігналы машыніста, бо слухаў музыку. «Машыніст ужыў экстранае тармажэнне і зрабіў усё магчымае для прадухілення трагедыі, аднак спыніць цягнік імгненна немагчыма. У выніку юнак атрымаў смяротную траўму», — адзначылі ў прэс-службе чыгункі.

Гэта ўжо не першы выпадак гібелі на чыгунцы, звязаны з праслухоўваннем музыкі праз навушнікі.

У маі ў Барысаве на чыгуначных рэйках загінула мама з 8-гадовым сынам, якая таксама не пачула сігналы машыніста.

БелТА

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ