22.07.2013 / 22:58

У Гомелі забілі дзяўчыну-рэпетытара 32

У суботу, 20 ліпеня, у аддзел міліцыі адміністрацыі Савецкага раёна Гомеля звярнулася мясцовая жыхарка з заявай аб знікненні сястры — выкладчыцы, якая займалася рэпетытарствам.
Раніцай дзяўчына пайшла на заняткі з кліенткай, аднак не вярнулася, хоць дамовілася аб сустрэчы з сябрам. Той і ўзняў трывогу, не дачакаўшыся яе і не здолеўшы датэлефанавацца на мабільнік, які апынуўся адключаным.

Супрацоўнікі Савецкага РАУС і ўпраўлення крымінальнага вышуку УУС Гомельскага аблвыканкама па гарачых слядах выйшлі на кола бліжэйшых знаёмых, у тым ліку і яе былога хлопца.

Паводле папярэдняй інфармацыі, малады чалавек, з якім яна рассталася, некалькі месяцаў выношваў план помсты.

Сваіх сяброў — мужа і жонку — ён пераканаў дапамагчы ў расправе. Дзяўчыну запрасілі ў кватэру нібыта з прычыны рэпетытарства, дзе, як мяркуецца, яна і была забітая.
Пасля цела вывезлі ў лес і закапалі.

Падазраваныя затрыманыя. Упраўленнем Следчага камітэта па Гомельскай вобласці распачата крымінальная справа па факце забойства.

0
patruet / Адказаць
22.07.2013 / 23:43
Гэта ж як помста розум засцілае... Жах! Праўда ў любові!
0
вот эти русские / Адказаць
23.07.2013 / 01:16
придумали репетиторство, а не было бы репетиторства, то и девушка никуда не пошла бы и жива осталась бы.
0
Vegan / Адказаць
23.07.2013 / 01:27
Ужас =(
Паказаць усе каментары/ 32 /
Каб пакінуць каментар, калі ласка, актывуйце JavaScript у наладах свайго браўзеру