22 ліпеня каля паўтара дзясятка чалавек прынялі ўдзел у акцыі, якая прайшла ў Брусэлі і была прымеркавана да ўдзелу міністра замежных спраў Беларусі Уладзіміра Макея ў сустрэчы кіраўнікоў МЗС краін Усходняга партнёрства.
Арганізатарам акцыі выступіла Міжнародная федэрацыя правоў чалавека (МФПЧ).
Удзельнікі пікету стаялі на плошчы Шумана, вакол якой размешчаны ўстановы Еўракамісіі, з партрэтамі беларускіх палітвязняў і скандавалі лозунгі «Свабоду палітвязням!» і «Вызваліце іх зараз!».На іх былі надзетыя майкі з партрэтамі беларускага праваабаронцы Алеся Бяляцкага —
«Міністр замежных спраў Беларусі Уладзімір Макей прыехаў сёння ў Брусэль на абед, у той час як 12 палітвязняў у Беларусі не могуць нармальна харчавацца,знаходзячыся ў турмах», — заявіў перад пачаткам акцыі дырэктар міжнародных арганізацый МФПЧ Антуан Маделан.
«Мы патрабуем вызвалення палітвязняў, якія з’яўляюцца сімвалам парушэнняў правоў чалавека ў Беларусі, прызнаных міжнароднымі праваабарончымі арганізацыямі», — падкрэсліў ён.
Акцыя доўжылася прыкладна паўгадзіны.
0
0
0
0
0
0
