27.07.2013 / 09:27

Егіпет ахоплены масавымі беспарадкамі

Прынамсі дзевяць чалавек забітыя і некалькі сотняў параненыя ў ходзе жорсткіх сутыкненняў паміж прыхільнікамі і праціўнікамі звергнутага прэзідэнта Егіпта Махамеда Мурсі.

Зараз ідзе масавая сутычка на плошчы каля мячэці Рааба аль-Адавія.

Прыхільнікі Мурсі сцвярджаюць, што загінулі 23 чалавекі, але афіцыйнага пацверджання гэтай інфармацыі няма.

Масавыя мітынгі і дэманстрацыі пачаліся ў пятніцу пасля вечаровай малітвы і працягваліся ўсю ноч.

У чацвер камандуючы егіпецкай арміяй генерал Абдэль Фатах Сісі заклікаў людзей выйсці на вуліцы, каб надзяліць ваенных мандатам на ўмяшальніцтва ў палітыку, адхіленне прэзідэнта і фарміраванне часовага ўрада.

Каб пакінуць каментар, калі ласка, актывуйце JavaScript у наладах свайго браўзеру