Намеснік міністра абароны ЗША Джым Таўнсэнд расчараваны пазіцыяй Расеі адносна магчымага ўступлення Фінляндыі ў НАТА, паведамляе фінская тэлекампанія YLE.
Па словах Таўнсэнда, які наведаў Хельсінкі, краіны павінны мець права самастойна вызначаць, у якіх арганізацыях удзельнічаць, а ў якіх — не.
«Раней летам міністр абароны Расіі Сяргей Шайгу ў часе свайго візіту ў Фінляндыю прыгразіў ў адказ дзеяннямі, калі Фінляндыя ўступіць у НАТА», — адзначае фінская тэлекампанія.
Фінляндыя працягвае выбудоўваць сваю палітыку бяспеку, сыходзячы з імавернасці, што ёй прыйдзецца адстойваць сваю незалежнасць ад Расіі, як у
Фінляндыя захоўвае прызыў, абавязковую вайсковую службу. Яна закупляе суперсучасную амерыканскую і шведскую вайсковую тэхніку. Яе арсенал супрацьпаветранай абароны і ракеты малой дальнасці выклікалі крытыку расійскага Генштаба.
Пасля Другой сусветнай Фінляндыя была вымушана праводзіць вельмі асцярожную палітыку нейтралітэту, каб не раздражняць Масквы. Аднак цяпер краіна хоча скарыстацца магчымасцю трапіць пад надзейны НАТАўскі і амерыканскі абарончы парасон. Паводле ацэнак фінскіх аналітыкаў, сяброўства ў НАТА практычна выключае імавернасць нападу на краіну.
