31.07.2013 / 11:05

«Уол-стрыт джорнал»: Развал БКК — гэта быццам выхад Саудаўскай Аравіі з АПЕК 6

Калійныя солі — галоўнае прыроднае багацце Беларусі.

Спыненне «Уралкаліем» паставак праз «Беларускую калійную кампанію» (БКК) абрынула акцыі сусветных вытворцаў угнаенняў.

Цэны на сусветным рынку калійных угнаенняў да гэтага часу кантралявалі два трэйдары — БКК («Уралкалій» і «Беларуськалій») і Canpotex (Potash Corp, Agrium, Mosaic). У аўторак «Уралкалій» абвясціў, што цяпер будзе экспартаваць прадукцыю сам, а прагназаванае ў сувязі з гэтым рэзкае падзенне цэн кампенсуе ростам аб’ёмаў.

«Гэта нібы калі б Саудаўская Аравія выйшла з АПЕК. Для калійнага сектара гэта каласальна», — сказаў у газеце бізнэс-колаў Financial Times аналітык кампаніі Bernstein Джэрэмі Рэдэніус.

Такую ж аналогію праводзіць кіраўніца кампаніі Brompton Group Лаўра Ло. «Ашаламляльная навіна. Як быццам Саудаўская Аравія выбыла з АПЕК», — піша газета «Уол-стрыт джорнал».

Пяць гадоў таму, перад сусветным фінансавым крызісам, калійныя ўгнаенні каштавалі амаль $900 за тону. Цяпер цэны ўпалі да $400, кіраўніцтва «Уралкалія» чакае падзення ніжэй за $300 у бліжэйшым часе.

На «Беларуськаліі» таксама чакаюць вялікіх стратаў.

Аднак як у рэальнасці павядзе сябе «Уралкалій», пакуль цяжка прадказаць.

СГ

0
Serg / Адказаць
31.07.2013 / 11:21
Для нас это как сухой закон в начале перестройки, т.е. тоже серьёзно.
0
Jeż Jerzy / Адказаць
31.07.2013 / 11:26
цікава, колькі прабашлялі кітайцы нашым за тое каб пакласці рынак і закрэдытаваны Уралкалій)))
0
о как / Адказаць
31.07.2013 / 11:50
А у нас сом на 57 кило.
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру