02.08.2013 / 23:42

ФСБ падала ў суд на санаторый «Беларусь» за неўстаноўку расійскай праслушкі Удакладнена 17

У папярэдняй публікацыі мы няправільна зразумелі сутнасць прэтэнзій расійскіх спецслужбаў да санаторыя «Беларусь».

23 мая Арбітражны суд Краснадарскага краю разгледзеў справу па заяве Кіраўніцтва Федэральнай службы па надглядзе ў сферы сувязі, інфармацыйных тэхналогіі і масавых камунікацый да санаторыя «Беларусь» у Сочы, які належыць Кіраўніцтву справаў прэзідэнта Беларусі.
Санаторый спрабавалі прыцягнуць да адказнасці за парушэнне КААП: «здзяйсненне прадпрымальніцкай дзейнасці з парушэннем умоваў, што прадугледжваецца спецыяльным дазволам».
Паводле інфармацыі, што паступіла ад Упраўлення ФСБ Расіі па Краснадарскім краі, у cанаторыя адсутнічаў План рэалізацыі эксплуатацыйна-тэхнічных патрабаванняў па забеспячэнні ОРМ на сетках сувязі ДУ «Санаторый «Беларусь» і Акт ўводу ў эксплуатацыю тэхнічных сродкаў СОРМпа ліцэнзіі № 96696.
Што такое СОРМ? Гэта цэлы комплекс тэхнічных сродкаў і захадаў, якія прызначаныя для правядзення аператыўна-вышуковых мерапрыемстваў пры дапамозе тэлефоннай сувязі (стацыянарны і мабільныя тэлефоны), бяздротавага інтэрнэту (вай-фай). Адзначаецца, што сістэма СОРМ-1 выкарыстоўваецца для праслухоўвання мабільнай сувязі, а СОРМ-2 — для пратакалявання зваротаў у інтэрнэце.

Фактычна, выходзіць, што санаторый «Беларусь» сабатаваў загады расійскіх спецслужбаў аб усталяванні ва ўстанове іх праслухоўвання.

«Факт адсутнасці на момант праверкі дакументаў…, якія пацвярджаюць рэалізацыю мерапрыемстваў па ўкараненні тэхнічных сродкаў для правядзення аператыўна-вышуковых мерапрыемстваў на сетцы сувязі аператара сувязі, пацверджаны матэрыяламі справы», — пішацца ў дакуменце.
Суд пацвердзіў факт адміністрацыйнага правапарушэння, аднак прыцягнуць санаторый да адказнасці не здолеў. Скончыўся тэрмін прыцягнення да адказнасці, які складаў тры месяцы. Парушэнне было зафіксаванае 31 студзеня 2013, а пастанова вынесеная 23 мая.
Санаторый «Беларусь» размяшчаецца ў горадзе Сочы на ўзбярэжжы Чорнага мора. Там неаднаразова адпачываў Аляксандр Лукашэнка. У гэты санаторый таксама атрымліваюць пуцёўкі чыноўнікі, прамыслоўцы, спартоўцы, прафсаюзнікі. Фактычна, расійскія спецслужбы ўголас выказалі жаданне адкрыта сачыць за наведнікамі санаторыя, у тым ліку самымі высокімі.

Зміцер Панкавец

0
TUT / Адказаць
02.08.2013 / 17:06
У гостиницы Минск похуду лицензия СОРМ есть :)
0
Анжэла Дэвіс / Адказаць
02.08.2013 / 17:07
Ня там Сноўдэн прытулак прасіў! Ня там ямуй далі той прытулак! У санаторый яго імя Ляксандра Рыгоравіча Будулая на пасаду дірэктара па навуковай частцы! Свабоду Сноўдэну!
0
не паведамляецца / Адказаць
02.08.2013 / 17:56
Гумарыст Панкавец :)
Паказаць усе каментары/ 17 /
Каб пакінуць каментар, калі ласка, актывуйце JavaScript у наладах свайго браўзеру