07.08.2013 / 17:07

Міхалевіч ідзе ў бізнес: «Немагчыма быць палітыкам у эміграцыі» 38

Былы кандыдат на пасаду прэзыдэнта Алесь Міхалевіч, які атрымаў палітычны прытулак у Чэхіі, зазначыў, што палітыкай больш не займаецца і будзе ўладкоўвацца ў бізнэсе.

Аляксей Міхалевіч паведаміў у інтэрвію БДГ, што бліжэйшым часам ён ня зможа ўзьяднацца зь сям’ёю, якая застаецца ў Менску:

«Гэты і наступны навучальны год жонка ня зможа да мяне пераехаць. Яна, у прыватнасьці, дапамагае ў Менску даглядаць бабулю, якой ужо 103 гады. Акрамя таго, у нас маленькія дзеці, зь якімі цяжка пераяжджаць».

Паводле Міхалевіча, у адносінах да ягонай жонкі Міланы ніякіх рэпрэсіяў цяпер няма. Сам жа ён шукае сфэру дзейнасьці, якой мог бы заняцца за мяжою:

«Цяпер я ў пошуку таго, чым я б хацеў займацца. Думаю, мая дзейнасьць будзе зьвязаная зь бізнэсам.
Я разьлічваю выкарыстоўваць для гэтага сваё веданьне моў — я валодаю польскай, чэскай, нямецкай, ангельскай, украінскай, зразумела, беларускай і расейскай. Гэта можа быць цікава для многіх фірмаў, якія працуюць ва ўсім усходнеэўрапейскім рэгіёне».

Міхалевіч кажа, што з новай беларускай эміграцыяй у яго склаліся добрыя адносіны, але ён не хацеў бы займацца ў чыстым выглядзе дыяспарнай працай, з палітыкамі ён таксама нячаста сустракаецца: «На сёньняшні дзень нейкай палітычнай працай у чыстым выглядзе я не займаюся. Раней я актыўна працаваў са спэцдакладчыкам ААН па катаваньнях. Мне важна, каб беларускія палітвязьні выйшлі на волю і каб у беларускіх турмах не ўжываліся катаваньні і жорсткае абыходжаньне».

Пра свае палітычныя пляны Алесь Міхалевіч сказаў: «Немагчыма быць палітыкам у эміграцыі. Ці, так скажам, вельмі складана быць палітыкам у эміграцыі. Я гэта выдатна разумею і не прэтэндую на тое, каб, будучы ў эміграцыі, заставацца ключавой палітычнай фігурай.
Зразумела, што большасьць беларускіх грамадзян успрымае мяне так: маўляў, яму ўдалося зьехаць, ён сядзіць у Празе, п’е чэскае піва, у яго ўсё добра. А мы тут змагаемся, з нас зьдзекуюцца. Таму пакуль канкрэтных палітычных плянаў няма.
Вяртаючыся да падзеяў 2010 году, Алесь Міхалевіч кажа, што дагэтуль не разумее, чаму ўлады пайшлі на такі разгром апазыцыі: «Я ў гэтым ніякай лёгікі не магу ўлавіць. І калі нехта кажа, што ён ведаў, што так усё адбудзецца, то яму ня варта верыць.
Думаю, у дадзеным выпадку ўсё залежала ад псыхікі аднаго чалавека, і як гэты чалавек у той ці іншы момант учыніў — так усё і было. Я сам не разумеў, чаму і мне, і іншым кандыдатам дазваляюць гэтак шмат рабіць. Адзінае, чаго мне не дазволілі, — гэта весьці агітацыю ў вайсковых частках, у ключавых вайсковых брыгадах. Нават у міліцыі прыход у аддзяленьне заканчваўся тым, што я спакойна меў зносіны зь міліцыянтамі. Гэта значыць, разгул дэмакратыі быў на вельмі-вельмі высокім узроўні. Аднак усё скончылася настолькі бяздарна, былі страчаныя ўсе шанцы для разьвіцьця дыялёгу з Захадам. Усё было пушчана кату пад хвост. Я не магу зразумець, чаму захацелася ўладзе зрабіць менавіта так».

0
Евгений Максимович / Адказаць
07.08.2013 / 17:23
Хе хе, Михалевич до сих пор не разумее. :) Михилевич, одним предложением: когда с вашей помощью затянули людей на участки, демократии большей никакой не надо было режиссёрам. А более основательно это написано у Позняка: ДРУГІ ПАДПАЛ РАЙХСТАГУ http://www.bielarus.net/archives/2011/01/10/2264 Но вы же сейчас все замашете ручонками и затопочете ногами лишь от одного упоминания об этом :)
0
Юлій Каралёў / Адказаць
07.08.2013 / 17:28
Лягічна: палітыка для Міхалевіча заўсёды была small but very good business. Відаць, за два гады за мяжой дывідэнды ад статуса "палітыка" і нават экс-кандыдата вычарпаліся канчаткова.
0
Zly / Адказаць
07.08.2013 / 17:34
І Зянона хай забірае ў бізнэс, ці хто ў іншы ў фатаграфію :) І Саннікава, і...
Паказаць усе каментары/ 38 /
Каб пакінуць каментар, калі ласка, актывуйце JavaScript у наладах свайго браўзеру