07.08.2013 / 17:29

На будоўлі Мінска хочуць запрасіць да тысячы будаўнікоў з КНДР і В'етнама 26

ДВА «Мінскбуд» гатова прыцягнуць на сталічныя будоўлі каля тысячы будаўнікоў з КНДР і В’етнама. Пра гэта на прэс-канферэнцыі 7 жніўня паведаміў генеральны дырэктар аб’яднання Мікалай Мілашэўскі.

Паводле яго слоў, ужо сёння ў аб’яднанні працуе прыкладна 100 карэйцаў. «Яны добрасумленна і якасна выконваюць усе работы», — падкрэсліў гендырэктар.

«Разумеючы, што для нас вялікага рэзерву ні ў Мінску, ні ў рэспубліцы няма, на жаль, таму мы рэзерв замежных будаўнікоў трымаем для таго, каб выканаць вялікія задачы па будаўніцтве ў горадзе, якія нам ставяцца. Мы вымушаныя прыцягваць спецыялістаў з іншых краін», — падкрэсліў Мілашэўскі.

У Мінску, адзначыў ён, працуюць спецыялісты з Украіны, Малдовы, просяцца — з Таджыкістана.

«Мы б хацелі будаваць рукамі нашых спецыялістаў, каб яны атрымлівалі годную заработную плату, але замежных грамадзян усё адно будзем прыцягваць, каб вырашыць праблему з недахопам беларускіх спецыялістаў», — адзначыў гендырэктар.

У мінулыя гады назіраўся вялікі адток кадраў, падкрэсліў Мілашэўскі. «Мы аднавілі колькасць у сярэдзіне гэтага года, і сёння яна не памяншаецца. Мы нават на 0,3–0,4% плюсуем па кадрах. Хоць мы з трывогай чакаем, што можа здарыцца зноў адток у Расію. Там будаўнічы рынак вельмі ёмісты і можа ў любы час запатрабаваць нашых спецыялістаў, якіх вельмі цэняць і ў Маскве, і ў іншых рэгіёнах», — адзначыў гендырэктар.

Каб не адбыўся адток кадраў, паведаміў кіраўнік «Мінскбуда», ажыццяўляецца шэраг мер, сярод якіх будаўніцтва арэнднага жылля для спецыялістаў, даванне ім інтэрнатаў, «сацыяльныя пакеты» для работнікаў і іншыя.

Таксама расце і ўзровень аплаты працы. Сёння сярэдняя зарплата па аб’яднанні складае прыкладна 8 млн. рублёў. «Да канца года мы плануем выйсці на сярэднюю зарплату на ўзроўні тысячы долараў у эквіваленце», — паведаміў Мілашэўскі.

0
швейцарец / Адказаць
07.08.2013 / 17:46
Белорусов повыгонял ишачить в россии, а на их место хочет завести китайцев и вьетнамцев... Ну чё ещё дальше обсуждать то.... Скидывать этих трёх граждан, узурпировавших власть, надо было ещё вчера, а завтра этой страны уже не будет.
0
швейцарец / Адказаць
07.08.2013 / 17:48
Тысячей не ограничится, вам сюда завезут их несколько сотен тысяч. Из расчёта того, сколько отправили белорусов ишачить в россии. на ихних жуликов.
0
Тут была краiна Беларусь... / Адказаць
07.08.2013 / 17:48
А потым ім дадуць пашпарты каб яны маглі галасаваць за каго ім скажуць.
Паказаць усе каментары/ 26 /
Каб пакінуць каментар, калі ласка, актывуйце JavaScript у наладах свайго браўзеру