07.08.2013 / 20:03

Гродзенскі медуніверсітэт прапанаваў студэнтам вучыцца па-беларуску 36

Пакуль толькі шасцёра студэнтаў далі згоду на беларускамоўнае навучанне.

440 першакурснікам ВНУ прапанавалі вучыцца на беларускай мове. Як паведамілі ў медуніверсітэце, бацькі і абітурыенты масава не падтрымалі ініцыятыву кіраўніцтва, піша euroradio.by. Пакуль толькі шасцёра студэнтаў далі згоду на беларускамоўнае навучанне.

Ці з'явіцца ў універсітэце першая беларускамоўная група, будзе вядома ў канцы жніўня. Навучанне на беларускай мове ўвядуць пры ўмове, што на адной спецыяльнасці пэўнага факультэта набярэцца не менш за 8-10 чалавек. З-за розніцы ў праграмах навучання ўніверсітэт не зможа аб'яднаць у групы меншую колькасць жадаючых.

У звычайную рускамоўную групу ўваходзіць каля 14-16 студэнтаў. На сённяшні дзень у Гродзенскім універсітэце выкладанне вядзецца на рускай і англійскай мовах. Беларуская мова можа стаць трэцяй мовай, на якой змогуць вучыцца студэнты медыцынскай ВНУ.

0
цюбіцейка / Адказаць
07.08.2013 / 20:26
цікава - малайцы! нават калі і не набяруць групу з першага разу.
0
Alies' / Адказаць
07.08.2013 / 20:38
Malajcy, haradzency!!!
0
W / Адказаць
07.08.2013 / 21:06
Дажыліся.
Паказаць усе каментары/ 36 /
Каб пакінуць каментар, калі ласка, актывуйце JavaScript у наладах свайго браўзеру