12.08.2013 / 21:08

Пракаповіч праінфармаваў Лукашэнку пра мадэрнізацыю эканомікі 7

Пра ход комплекснай мадэрнізацыі беларускай эканомікі праінфармаваў 12 жніўня Аляксандра Лукашэнку намеснік прэм’ер-міністра Пётр Пракаповіч.

Як паведамляе прэс-служба прэзідэнта, Лукашэнку было, у прыватнасці, паведамлена, што ў краіне распрацаваны і рэалізуюцца праграмы мадэрнізацыі на 3.680 прадпрыемствах з дзяржаўнай доляй уласнасці і каля 1 тыс. прыватных. Гэты працэс ахоплівае таксама развіццё малых і сярэдніх прадпрыемстваў. Акрамя таго, вырашаюцца пытанні са стварэннем новых буйных вытворчасцяў на базе замежнага і беларускага капіталу.

У той жа час віцэ-прэм’ер са шкадаваннем канстатаваў, што паказчыкі за першае паўгоддзе яшчэ далёкія ад запланаваных у цэлым па годзе.
Так, выручка на аднаго занятага ў эканоміцы за гэты перыяд вырасла на 11,5% у дачыненні да паказчыкаў мінулага года, у той жа час па выніках года яна павінна складаць не менш як 25%. Сярод вытворчасцяў, якія не выконваюць гэты паказчык, прадпрыемствы Міністэрства прамысловасці, канцэрна «Белнафтахім».

Па выніках працы за шэсць месяцаў гэтага года інвестыцыі ў асноўны капітал склалі 108,8% у дачыненні да першага паўгоддзя мінулага года. Гэта крыху вышэй за прагнозныя паказчыкі (106%), але «з’яўляецца вельмі недастатковым для забеспячэння выканання запланаванага праграмай мадэрнізацыі па ўсіх прадпрыемствах». Паводле слоў Пракаповіча, фактычна на сённяшні дзень менш як палова прадпрыемстваў выконваюць графік.

Паводле яго меркавання, для вырашэння задач мадэрнізацыі неабходна прымаць дадатковыя меры.

Аднак найбольшае адставанне, адзначыў віцэ-прэм’ер, у правядзенні арганізацыйна-эканамічнай мадэрнізацыі.
«Ніякае самае дасканалае абсталяванне, тэхналогіі не будуць эфектыўна працаваць, калі не выбудавана сістэма кіравання, сістэма матывацыі работнікаў, выканання самай жорсткай дысцыпліны і тэхналогій. Калі мы гэтага не зробім, то не зможам эфектыўна выкарыстоўваць тыя рэсурсы, якія ўкладзем у тэхнічную мадэрнізацыю», — сказаў Пракаповіч.
Ён падкрэсліў, што задача заключаецца ў тым, каб стварыць сістэму эканамічнага кіравання, якая забяспечыць канкурэнтаздольнасць беларускай прадукцыі, яе адпаведнасць найлепшым сусветным паказчыкам.
«Сёння, на жаль, мы больш за ўсё адстаем менавіта ў адсутнасці жорсткага выканання тэхналогій, што і прыводзіць да тых пытанняў, у якіх мы з’яўляемся па многіх кірунках неканкурэнтаздольнымі», — сказаў віцэ-прэм’ер.

Кіраўнік дзяржавы даручыў прыняць усе неабходныя меры для таго, каб у цэлым па годзе ўсе запланаваныя праграмай мадэрнізацыі паказчык

0
JJ / Адказаць
12.08.2013 / 21:12
Капітан Пракапо-чнаць
0
гарадзенец / Адказаць
12.08.2013 / 22:33
Дысцыпліна, дысцыпліна... Гэтая мадэрнізацыя проста палка, феадалізм нейкі.
0
бла, бла, бла / Адказаць
12.08.2013 / 23:31
Да Петя, к делам государственным тебя допускать уже нельзя. Веры нету.
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру