12.08.2013 / 21:10

Маладых спецыялістаў на вёску будуць завабліваць даплатамі 3

Штомесячныя даплаты ўстанаўліваюцца маладым работнікам АПК Беларусі. У мэтах замацавання маладых кадраў у АПК Аляксандр Лукашэнка 12 жніўня падпісаў указ нумар 353 «Аб некаторых мерах па забеспячэнню арганізацый аграпрамысловага комплексу кадрамі».

Дакумент накіраваны на павышэнне гарантаванай заработнай платы шляхам устанаўлення штомесячных даплат.

У прыватнасці, маладым спецыялістам з вышэйшай і сярэдняй спецыяльнай адукацыяй, прынятым на работу ў арганізацыі АПК,

на працягу двух гадоў іх работы ўстанаўліваюцца штомесячныя даплаты ў двухкратным памеры тарыфнай стаўкі першага разраду,
устаноўленай урадам для аплаты працы работнікаў бюджэтных арганізацый, з аднясеннем гэтых даплат на затраты па вытворчасці і рэалізацыі тавараў (работ, паслуг), што ўлічваюцца пры падаткаабкладанні.

Кіраўнікам і спецыялістам з вышэйшай і сярэдняй спецыяльнай адукацыяй, якія адпрацавалі ў арганізацыях АПК два гады па размеркаванню і якія прадаўжаюць працаваць у гэтых арганізацыях на ўмовах заключаных кантрактаў,

устанаўліваюцца штомесячныя даплаты на працягу наступных трох гадоў у трохкратным памеры тарыфнай стаўкі першага разраду за кошт сродкаў рэспубліканскага бюджэту,
прадугледжаных на развіццё сельскагаспадарчай вытворчасці, рыбаводства і перапрацоўкі сельскагаспадарчай прадукцыі.

Гэтыя меры даюць магчымасць забяспечыць гарантаваную заработную плату маладых работнікаў АПК на ўзроўні сярэдняй заработнай платы па гаспадарцы.

Указ уступае ў сілу пасля яго афіцыйнага апублікавання.

0
бла, бла, бла / Адказаць
12.08.2013 / 23:58
Усё, вёску бальшавікі знішчылі і ня ім яе аднаўляць.
0
читателль / Адказаць
15.08.2013 / 20:26
пойду в КСУП. Где записывают стАрых специалистОв? Зряплата 10 миллионов. Это крУто.
0
читателль / Адказаць
17.08.2013 / 06:50
полтора миллиона? что-о-о? какая рабо-о-ота? алло. вас пло-о-охо слы-ышно. алло-о-о.
Каб пакінуць каментар, калі ласка, актывуйце JavaScript у наладах свайго браўзеру