13.08.2013 / 19:34

Кім Чэн Ыну паказалі першы паўночнакарэйскі смартфон — фота 9

Эксперты сумняваюцца ў яго паўночнакарэйскім паходжанні.

Смартфон Arirang паказалі паўночнакарэйскім лідэру Кім Чэн Ыну ў ходзе яго візіту на завод, паведамляе Бі-Бі-Сі.

Паўночнакарэйскі смартфон назвалі ў гонар папулярнай народнай песні.

Тэлефон, як мяркуецца, абсталяваны аперацыйнай сістэмай Android ад Google.

Малаверагодна, што смартфон сапраўды зроблены ў КНДР, мяркуе эксперт у галіне паўночнакарэйскіх тэхналогій Марцін Уільямс.

У мінулым годзе камуністычны рэжым заявіў аб стварэнні ўласнага планшэтнага кампутара, але пазней з'явілася інфармацыя аб тым, што, верагодна, кампутар быў зроблены ў Кітаі.

Сетка мабільнай сувязі існуе ў КНДР з 2008 года. Але яе дзейнасць у значнай ступені кантралюецца і абмяжоўваецца.

У КНДР 2 млн карыстальнікаў мабільных тэлефонаў, але амаль кожнаму ўладальніку прылады забаронена кантактаваць з вонкавым светам.

0
AK79 / Адказаць
13.08.2013 / 19:37
Хаха! Интеграл?
0
Аматар портэра / Адказаць
13.08.2013 / 19:46
А дзе можна набыць гэту мадэль, бо вельмі спадабалася!
0
Фон на фоне / Адказаць
13.08.2013 / 20:24
Здалося, што яны фоткаюцца са смартфонам на фоне ЕС-1036 Кампутар такі быў, памерам з камбайн :)
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру