Матч з Чарнагорыяй — у тройцы найгоршых па наведвальнасці

Таварыскі матч з камандай Чарнагорыі, які адбыўся на жодзінскім стадыёне «Тарпеда» (1:1), увайшоў у тройку найгоршых хатніх паядынкаў па наведвальнасці за ўсю гісторыю зборнай Беларусі.

На гульню з чарнагорцамі прыйшлі 3000 гледачоў. Столькі ж заўзятараў наведалі летась на сталічным «Дынама» сустрэчу з літоўцамі — першы хатні матч нашай нацыянальнай каманды пад кіраўніцтвам Георгія Кандрацьева.

Ніжэй наведвальнасць была ў 2009-м у матчы са зборнай Малдовы (2:2) — 2000 гледачоў. І ў 1996-м у паядынку са зборнай Літвы (2:2) — 1000 гледачоў.

Прессбол

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ