20.08.2013 / 16:39

Санслужба абвергла інфармацыю аб успышцы менінгіту ў Гомельскім раёне 1

Гомельскі абласны цэнтр гігіены, эпідэміялогіі і грамадскага здароўя абверг інфармацыю аб успышцы серознага менінгіту ў пасёлку Бальшавік Гомельскага раёна.

Пра ўспышку захворвання сярод дзяцей паведамілі некаторыя сайты навін.

«Ніякай успышкі няма, ёсць два лабараторна пацверджаныя выпадкі серознага менінгіту — энтэравіруснай інфекцыі. Такі дыягназ пастаўлены выхаванцу дзіцячага садка і школьніку. Праведзены неабходныя мерапрыемствы, адабраныя прадукты, вада для даследаванняў, праведзена дэзінфекцыя ў дзіцячым садку, у выхаванца якога была дыягнаставана энтэравірусная інфекцыя», — паведаміў намеснік галоўнага санітарнага ўрача Гомельскай вобласці Расціслаў Зіновіч.

Ён дадаў, што людзей палохае дыягназ «серозны менінгіт». «Але гэта энтэравірусная інфекцыя, якая звычайна праходзіць лёгка і без наступстваў для хворых. Проста цяпер сезонны ўздым энтэравіруснай інфекцыі, у жніўні-верасні, як грыпу — зімой», — удакладніў намеснік галоўнага ўрача.

0
Андрей / Адказаць
20.08.2013 / 18:31
Лично у меня никакого доверия к госслужбам нет вообще! И девальвации не было, и эпидемии гриппа, и АЧС тоже не было. По мне так лучше бы они вообще ничего не говорили, им всё равно никто не верит, даже если бы они говорили правду.
Каб пакінуць каментар, калі ласка, актывуйце JavaScript у наладах свайго браўзеру