20.08.2013 / 21:23

Падборам дзяўчат для VIP-кліентаў казіно «Шангры Ла» займалася былая прастытутка 7

Падборам дзяўчат мадэльнай знешнасці для VIP-кліентаў казіно «Шангры Ла» згодна з прынцыпам «усё ўключана» займалася жыхарка Мінска 1986 года нараджэння, якая ў мінулым аказвала сэксуальныя паслугі, паведамляецца на сайце МУС Беларусі.

Паводле слоў намесніка начальніка ўпраўлення інфармацыі і грамадскіх сувязяў МУС Георгія Еўчара, таксама ўстаноўлены супрацоўнік аддзела па працы з кліентамі казіно, які, ведаючы аб прыездзе высокапастаўленых і VIP-кліентаў, размяшчаў замову на пастаўку неабходнай колькасці дзяўчат. Кошт эскорту складаў да 1000 даляраў, пры гэтым палова сумы ішла арганізатарам злачыннай схемы.

У МУС не выключаюць, што падобныя схемы могуць дзейнічаць і ў іншых забаўляльных установах Мінска, а таксама іншых гарадоў краіны.

Нагадаем, 20 жніўня МУС аб’явіла, што падраздзяленнямі па наркакантролі і процідзеянні гандлю людзьмі МУС Беларусі і ГУУС Мінгарвыканкама пры падтрымцы АМАП ГУУС праведзена аперацыя па спыненні злачыннай дзейнасці супрацоўнікаў казіно «Шангры Ла», а таксама іншых асоб, якія падазраюцца ва ўцягванні ў прастытуцыю, выкарыстанні прастытуцыі, арганізацыі секс-турызму на тэрыторыі краіны.

У дачыненні да двух супрацоўнікаў казіно распачаты справы на падставе ч. 2 арт. 171 (выкарыстанне прастытуцыі або стварэнне ўмоў для прастытуцыі) і ч. 2 арт. 171–1 (уцягванне ў прастытуцыю або прымушэнне да працягу прастытуцыі) Крымінальнага кодэкса.

Абодва падазроныя затрыманы. Збор інфармацыі аб іх злачыннай дзейнасці праводзіўся аператыўнымі супрацоўнікамі НіПГЛ з 2009 года — з моманту адкрыцця казіно. Падчас ажыццёўленай працы ўстаноўлены факты неаднаразовага прадастаўлення багатым мужчынам, пераважна кліентам казіно «Шангры Ла», дзяўчат мадэльнай знешнасці для аказання платных інтымных паслуг.

0
Мда / Адказаць
20.08.2013 / 23:22
Имена "высокопоставленых" назовут?
0
Алесь / Адказаць
21.08.2013 / 06:41
Шведская група пела----Грошы,Грошы,Грошы.Міцяю недадалі.....і так будзе з кожным,калі скупіцца будут.
0
cemrashal / Адказаць
21.08.2013 / 09:16
" ..подобные схемы могут действовать в других развлекательных заведениях минска и других городов.." да ладна?)) НН снова клевещет на интеллектуальную инновационную быстроразвивающуюся сферу экономики Беларуси. страна только -только пытается слезть с российской нефтяной иглы и ориентироваться на секс-туризм, а тут такой удар от МВД)
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру