Контррэвалюцыя ў Егіпце: Мубарак выходзіць на свабоду 7

Суд у Каіры зняў з экс-прэзідэнта краіны абвінавачванні ў карупцыі і вызваліў яго з-пад варты. Мяркуецца, што ён выйдзе на свабоду ў найбліжэйшыя гадзіны.

Працэс над ім цягнуўся ад 2011 года, калі ў краіне адбылася рэвалюцыя.

Гэтым летам егіпецкая армія скінула законна абраны ўрад і арыштавала прэзідэнта Махамеда Мурсі. Цяпер Мурсі сядзіць, а Мубарак выйдзе на свабоду.

У часе рэвалюцыі 2011 года загінула каля 1000 чалавек, пераважна дэманстрантаў. Ахвяры контррэвалюцыі яшчэ больш шматлікія: у часе крывавага разгону прыхільнікаў прэзідэнта Мурсі загінула не менш за 1200 асобаў.

Вызвалення Мубарака дабіваліся галоўныя донары Егіпта — манархіі Аравійскага паўвострава.

Рэальную ўладу ў Егіпце цяпер трымае міністр абароны краіны генерал Абдэль-Фатахаль-Сісі.

Сяргей Гезгала

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ