22.08.2013 / 09:43

Wargaming абвясціла дату выхаду World of Warplanes 10

Афіцыйны запуск праекта ў СНД адбудзецца 25 верасня 2013.

На тэрыторыі Еўропы і Паўночнай Амерыкі гульня выйдзе 26 верасня.

World of Warplanes — гэта МША-экшн (масавая шматкарыстальніцкая анлайн-гульня), прысвечаная залатой эпосе ваеннай авіяцыі, што ўключае ў сябе ваенныя машыны некалькіх ключавых перыядаў у гісторыі самалётабудавання — ад біпланаў 1930-х гадоў да рэактыўных знішчальнікаў Карэйскай вайны, якія сталі прабацькамі сучаснай ваеннай авіяцыі.

У World of Warplanes будуць даступныя сотні самалётаў галоўных паветраных звышдзяржаў,
якія маюць унікальныя характарыстыкі і паводзіны ў баі. Віртуальным пілотам паўстануць на выбар тры асноўныя класы тэхнікі: аднаматорныя знішчальнікі, найбольш эфектыўныя ў блізкім манеўраным баі, цяжкія знішчальнікі, небяспечныя для любога саперніка дзякуючы магутнаму ўзбраенню, і штурмавікі — галоўныя паляўнічыя за наземнымі мэтамі.

Для кожнага самалёта будзе даступна некалькі тыпаў узбраення, разнастайныя варыянты планёра і рухавікоў, і іх розныя камбінацыі дазволяць знайсці аптымальную канфігурацыю для аптымальных паводзінаў машыны ў баі.

Адкрыты бэта-тэст «Самалётаў» стартаваў два месяцы таму і стаў адным з самых паспяховых у гісторыі Wargaming. Рэлізная версія гульні прадставіць аматарам дынамічных паветраных баталій каля ста мадэляў самалётаў з ЗША, СССР, Японіі, Германіі і Вялікабрытаніі.

Wargaming — адзін з найбуйнейшых сусветных выдаўцоў і распрацоўшчыкаў на рынку free-to-play MША. Штаб-кватэра знаходзіцца ў Мінску. Кампанія была заснаваная ў 1998 годзе і за гэты час паспела з групы энтузіястаў ператварыцца ў міжнародную карпарацыю, якая налічвае 1600 супрацоўнікаў, і выпусціць больш за 15 гульняў.

Флагманскі праект кампаніі, танкавы экшн World of Tanks, паспеў заваяваць мноства ўзнагарод ад вядучых гульнявых выданняў і стаць адным з самых паспяховых МША-праектаў.

0
andy / Адказаць
22.08.2013 / 09:55
марскі бой не за гарамі?
0
Ананімчык / Адказаць
22.08.2013 / 09:56
Крута. Але free-to-play MША гэта не крута.
0
блок коммунистов и беспартийных / Адказаць
22.08.2013 / 11:07
Пример этой компании демонстрирует нам, что Беларусь без России,пока что ноль.Где бы они были эти транжиры,выбрасывающие миллионы долларов на Линии Сталина,если бы не огромный поток платежей россиян, украинцев. Получается: идея своя, раскрутка на России, экспансия по всему миру.Хорошо то, что благодаря русскому языку, общему советскому прошлому,общему менталитету советского народа, становится очевидно с кем нам по пути. С Россией.
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру