На станцыі «Кастрычніцкай» пункт надгляду дзейнічае з 1 сакавіка 2012.
На станцыі «Кастрычніцкай» пункт надгляду дзейнічае з 1 сакавіка 2012.
У 2014 годзе пункты надгляду з’явяцца на ўсіх станцыях сталічнага метро, паведаміў напрэс-канферэнцыі 28 жніўня начальнік КУП «Мінскі метрапалітэн» Расціслаў Юрэня.
«Сёлета мы плануем завяршыць праектаванне пунктаў надгляду на ўсіх станцыях ва ўсіх вестыбюлях і пачынаючы з наступнага года пачаць іх арганізацыю ў кожным вестыбюлі. Гэта значыць людзі, якія будуць ісці з вялікімі торбамі, будуць надглядацца. Пакуль яны надглядаюцца на сталах або на падлозе. Ёсць незадаволеныя, але большасць ставіцца з разуменнем, таму што гэта тычыцца бяспекі», — адзначыў Юрэня.
Ён нагадаў, што летась пункт надгляду пасажыраў быў абсталяваны на станцыі «Кастрычніцкая». Там устаноўлены сканер. «У кожнага нашага ахоўніка таксама ёсць металашукальнікі. Мы іх сталі ўзбройваць і мегафонамі для таго, каб у экстранных выпадках разруліць сітуацыю», — сказаў начальнік метрапалітэна.
Юрэня паведаміў, што ў метро створана служба аховы з 280 чалавек. «Гэта людзі, якія пастаянна знаходзяцца ў касавых залах, на платформах. У іх распрацаваны пэўны маршрут, які пастаянна кантралюецца з дапамогай жэтоннай сістэмы», — сказаў ён.
Акрамя гэтага, у метро працуе 60 дзяжурных па адпраўленні цягнікоў. «Гэта жанчыны, якія знаходзяцца на платформе з
Паводле яго слоў, мадэрнізаваная сістэма праходаў, ёсць спецыяльны замок і ключ ад уваходных дзвярэй, устаноўлены таксама рыгельны замок, які блакіруе ўсе чатыры дзверы на ўваходзе і выхадзе. Устаноўленыя датчыкі руху і аб’ёмныя датчыкі. «Гэта ўсё прыводзіцца ў дзеянне пасля закрыцця дзвярэй. Калі ёсць рух або прамень перапыняецца, адразу падаецца сігнал дзяжурнаму персаналу», — патлумачыў Юрэня.
У 2012 годзе ў метро завяршыліся работы па стварэнні відэасістэмы. Цяпер працуе 996 камер. «Што да платформ, кас і вестыбюляў — мы бачым практычна ўсё. Гэта тычыцца і амаль усіх службовых памяшканняў. Устаноўлены і камеры для інфрачырвоных выпраменьванняў, якія „бачаць“ у цемры», — сказаў Юрэня.
Ён таксама паведаміў, што станцыі трэцяй лініі метро будуць аснашчацца экранамі, якія адгароджваюць пуці ад платформы, а цягнікі будуць кіравацца ў аўтаматычным рэжыме, але пад назіраннем машыністаў.
