Паводле інфармацыі Гідраметэацэнтра, 31 жніўня да 20.00 па паўднёвым усходзе Беларусі чакаюцца моцныя дажджы. У сувязі з гэтым МНС нагадвае аб правілах бяспечных паводзінаў.
У прыватнасці, у МНС заклікаюць устрымацца ад паездак па горадзе, па магчымасці заставацца дома. Калі залева ўсё ж застала на вуліцы, то не варта спускацца ў падземныя пераходы і іншыя заглыбленыя памяшканні. Яны могуць быць у лічаныя хвіліны затопленыя вадой. Не варта спрабаваць схавацца паблізу яраў — такое надвор'е часта прыводзіць да апоўзняў. Лепшым месцам для схованкі з'яўляюцца будынкі, размешчаныя вышэй магчымага ўзроўню падтаплення .
Калі залева заспела ў асабістым транспарце, то не варта спрабаваць пераадолець падтопленыя ўчасткі. Трэба павольна перамясціцца ў крайні правы шэраг ( на ўзбочыну ) і , пазбягаючы экстранага тармажэння, спыніць рух , уключыць аварыйныя агні і перачакаць залеву. У выпадку імклівага прыбывання вады трэба пакінуць аўтамабіль і прайсці на ўчастак мясцовасці на ўзвышэнні або ў бліжэйшы будынак.
http://www.belta.by/ru/all_news/society/MChS-preduprezhdaet-ob-opasnosti-silnyx-livnej_i_645143.html
