Арменія мае намер уступіць у Мытны саюз і пасля ўдзельнічаць у фарміраванні Еўразійскага эканамічнага саюза. Прэзідэнт РФ Уладзімір Пуцін такое рашэнне падтрымаў і выказаў гатоўнасць садзейнічаць гэтаму працэсу, паведамляе агенцтва «РИА Новости».
«Прэзідэнт рэспублікі Арменія Серж Саргсян заявіў аб рашэнні яго краіны ўступіць у Мытны саюз і зрабіць у гэтых мэтах неабходныя практычныя крокі, а ў далейшым удзельнічаць у фарміраванні Еўразійскага эканамічнага саюза», — гаворыцца ў сумеснай заяве прэзідэнтаў дзвюх краін па выніках перамоў на вышэйшым узроўні.
Расійскі лідар падтрымаў гэта рашэнне і «выказаў гатоўнасць расійскага боку ўсяляк садзейнічаць гэтаму працэсу».
0
0
0
0
0
0