05.09.2013 / 16:08

Эвакуяваныя вучні ўсіх школ Маладзечна 5

Пасля паведамленняў аб замініраванні ў Маладзечне адпусцілі з заняткаў вучняў усіх 14 гарадскіх школ, паведамляе мясцовая «Рэгіянальная газета».


«Тым часам аддзел адукацыі Маладзечанскага райвыканкама паведамляе, што ідуць вучэнні па грамадзянскай абароне. У МНС каментаваць сітуацыю адмовіліся», — піша выданне.

Як паведамілі газеце некаторыя настаўнікі, лісты з пагрозамі аб магчымых выбухах у некаторых школах прыйшлі на электронныя адрасы ўсіх навучальных устаноў горада.

«Гэта не вучэнні, таму што дадому адпусцілі ўсіх дзяцей, а настаўнікам сказалі чакаць на вуліцы каля школы.

Нікога ў памяшканне не пускаюць. З Мінска едзе група размініравання, якая будзе правяраць усе школы», — цытуе «Региональная газета» аднаго з педагогаў.

Разам з тым адзін з чытачоў партала tut.by паведаміў, што паведамленні аб замініраванні паступілі ў дзевяць школ.

Пра тое, што ў шэрагу школ Маладзечна ідзе эвакуацыя школьнікаў, пацвердзілі ў МУС Беларусі і УУС Мінскага аблвыканкама.

Паводле інфармацыі начальніка аддзялення інфармацыі і грамадскіх сувязяў УУС Мінскага аблвыканкама Аляксандра Данільчанкі, паведамленні аб замініраванні шэрагу школ паступілі сёння на адрас кіраўнікоў гэтых навучальных устаноў. У Маладзечна выехалі спецыялісты — ўзрыватэхнікі спецпадраздзялення па барацьбе з тэрарызмам МУС «Алмаз» і ўнутраных войскаў.
«Міліцыя і мясцовыя органы ўлады прымаюць меры па забеспячэнні бяспекі», — сказаў Данільчанка. Ніякай панікі ў горадзе няма, падкрэсліў прадстаўнік УУС Мінаблвыканкама.

0
LMI / Адказаць
05.09.2013 / 16:27
А город подумал, ученья идут
0
ДЬШ / Адказаць
05.09.2013 / 22:59
А яны й адбываліся. Трэба ж неяк паказаць, што КДБ працуе, яно патрэбнае, яно пасьпяховае. Толькі потым ніхто ніколі не ўбачыць жывога злачынцу, журналісты ня возьмуць інтэрв'ю у ягонай мамы, таты, брата. Бо фікцыя, як выбух на сьвяце горада, які потым сьпісалі, на каго хацелі.
0
Эн / Адказаць
06.09.2013 / 07:38
Хтосьці за жартачкм палучыць па дупцы...
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру