05.09.2013 / 17:50

Уцякаў ад ДАІшнікаў і ўрэзаўся ў слуп — фота 2

Фота 112.by.

У ноч на 5 верасня ў Гродне нецвярозы кіроўца трапіў у ДТЗ, уцякаючы ад супрацоўнікаў Дзяржаўтаінспекцыі.

Як паведамляе сайт ДАІ Гродна і Гродзенскай вобласці, віноўнікам аварыі стаў 22-гадовы грамадзянін Арменіі, зарэгістраваны ў прыгарадзе, ён не мае беларускага пасведчання кіроўцы.

Малады чалавек быў нецвярозы, ехаў без святла фар. Убачыўшы пробліскавыя маячкі на патрульным аўтамабілі ДАІ, ён рэзка павялічыў хуткасць і пачаў уцякаць.

Рухаючыся з боку вуліцы Вольгі Соламавай ў напрамку вуліцы Суворава, «Фольксваген» выскачыў за межы праезнай часткі. Спачатку ўдарыўся ў адзін слуп, аўто ад удару развярнула, прыкладна праз дзвесце метраў яно ўрэзалася ў другі слуп.

Паводле папярэдняй інфармацыі, віноўнік ДТЗ з сяброўкай ездзіў у
краму па піва. Быў не прышпілены рамянём бяспекі,
атрымаў цяжкія траўмы і змешчаны ў рэанімацыйнае аддзяленне бальніцы. Каб дастаць яго з салона, выратавальнікам давялося разрэзаць аўтамабіль.

0
Так / Адказаць
06.09.2013 / 15:00
паскуда
0
STATiK / Адказаць
07.09.2013 / 17:49
Добра, натуральны адбор-такі працуе.
Каб пакінуць каментар, калі ласка, актывуйце JavaScript у наладах свайго браўзеру