Фота Guinness World Records.
Кот па мянушцы Палкоўнік Мяў, які набыў сусветную славу за свой незадаволены выгляд і надзвычай доўгую поўсць, трапіў у Кнігу рэкордаў Гінеса.
Ката прызналі ўладальнікам самай доўгай поўсці сярод хатніх
котак. Сярэдняя даўжыня валасоў на «футры» ката складае 23 сантыметры.
Поўсць Палкоўніка Мяў вымяралі тры ветэрынара. Для ўсталявання рэкорда спатрэбілася ўсяго дзесяць валасінаў. Гаспадарам ката ўжо выдалі сертыфікат аб рэгістрацыі дасягнення.
Як заявілі рэгістратары рэкорду, нататка пра Палкоўніка
будзе ўключана ў новае выданне Кнігі (з’явілася ў продажы 2 верасня).
Па словах гаспадыні ката Эн Мэры, Палкоўніка расчэсваюць
прыкладна тры разы на тыдзень. Ніякіх спецыяльных сродкаў для ачысткі поўсці яна не выкарыстоўвае: калі кот брудны, яго проста мыюць звычайнай вадой, а пасля расчэсваюць шчоткай.
