07.09.2013 / 20:02

У Гродне з кабельнага пакета знік канал Polsat  15

У рэдакцыю «Нашай Нівы» звярнуўся чытач, які паведаміў пра знікнення польскага канала Polsat з тэлеэфіру.

«Гродзеншчына ўпершыню за 25 гадоў аказалася без польскага тэлебачання!» — піша ён.

Буйны гродненскі аператар кабельнага ТБ «Гарант» пацвердзіў «НН», што адключэнне сапраўды мела месца. «Спынілася трансляцыя з боку Польшчы. Мы даслалі польскаму боку запыт на права рэтрансляцыі канала са спадарожніка. Але каментары будуць толькі пасля іх адказу».

Мясцовыя жыхары пачалі актыўна абмяркоўваць гэтую тэму ў сеціве. Адзін з інтэрнаўтаў паведаміў, што ўжо пакінуў у кнізе скаргаў і прапаноў «Гаранта» прапанову вярнуць Polsat, а таксама ўвесці асобны пакет польскіх каналаў і заклікаў іншых зацікаўленых гродзенцаў, якія «фактычна выраслі на польскім ТБ», зрабіць тое ж.

Зразумела, жыхары памежжа могуць лавіць польскі сігнал наўпрост з тэррыторыі суседняй дзяржавы. Для гэтага патрэбная магутная і правільна накіраваная антэна і тэлевізар, здольны дэшыфраваць лічбавы фармат — Польша завяршыла пераход да лічбавага ТБ 23 ліпеня 2013 года.

Пакеты ж аналагавых і лічбавых каналаў, якія прапануюць насельніцтву як «Гарант», так і іншыя аператары кабельнага ТБ Гродненскай вобласці, увогуле не ўтрымліваюць польскіх каналаў. Няма іх і ў спісе замежных телепраграмаў, якія атрымалі дазвол на распаўсюд на тэрыторыі Беларусі. Сайты аператараў кабельнага ТБ Гродзеншчыны таксама не ўтрымліваюць і навінаў пра спыненне вяшчання канала Polsat і дату яго магчымага аднаўлення.

Яўген Крэйда

0
Erfindhel / Адказаць
07.09.2013 / 20:53
Сто даляраў з носу - і глядзі Polsat.
0
Дормс / Адказаць
07.09.2013 / 21:27
Глядзіце лайт-версію польсата - белсат
0
Эрф / Адказаць
07.09.2013 / 21:54
Нечага рязяваць ірты на ўсялякія пакеты. Бо яны заўжды для натопа. А быць трэба самастойнымі асобамі.
Паказаць усе каментары/ 15 /
Каб пакінуць каментар, калі ласка, актывуйце JavaScript у наладах свайго браўзеру