07.09.2013 / 19:07

Абама заклікаў амерыканцаў падтрымаць удар па Сірыі 10

 

У штотыднёвым радыёзвароце да нацыі прэзідэнт ЗША Барак Абама заклікаў амерыканцаў падтрымаць ваенную аперацыю ў Сірыі ў адказ на выкарыстанне там хімічнай зброі.

Ён таксама звярнуўся да ўсіх членаў Кангрэсу, якія на наступным тыдні збяруцца для галасавання па гэтым пытанні.

Абама патлумачыў, што нельга не рэагаваць на выкарыстанне хімічнай зброі — інакш рызыка яе прымянення ў будучыні шматкроць узрасце і тым самым будзе пастаўлена пад пагрозу нацыянальная бяспека ЗША.

«Я ведаю, што амерыканцы стаміліся ад дзесяцігоддзя вайны, хоць вайна ў Іраку завершаная, а вайна ў Афганістане набліжаецца да канца.

Таму мы не збіраемся ўмешвацца ў нечыю чужую вайну. Але мы — Злучаныя Штаты Амерыкі. Мы не можам заплюшчваць вочы на тое, што адбываецца ў Сірыі», — заявіў прэзідэнт.

Паводле сацыялагічнага апытання Gallup, цяпер толькі 36% амерыканцаў падтрымліваюць намер амерыканскіх уладаў правесці ваенную аперацыю ў Сірыі, а 51% жыхароў ЗША — супраць ваеннага ўмяшання ў сірыйскі канфлікт.

0
Ludwik OPs / Адказаць
07.09.2013 / 19:32
Каталіцкія біскупы ЗША на чале з арцыбіскупам Нью-Ёрка кардыналам Цімаці Доланам звярнуліся да Прэзідэнта краіны Барака Абамы з заклікам не здзяйсняць вайсковага ўмяшальніцтва ў сірыйскі канфлікт. У спецыяльным лісце, скіраваным асабіста да Прэзідэнта 5 верасня, іерархі нагадалі пра шматлікія звароты Папы Францішка, а таксама біскупаў Блізкага Усходу, аб патрэбе мірнага ўрэгулявання канфлікту. «У адзін голас яны просяць міжнародную супольнасць не прадпрымаць вайсковай інтэрвенцыі ў Сірыю. Яны ясна патлумачылі, што вайсковая атака будзе контрпрадуктыўнай, абцяжарыць ужо трагічную сітуацыю і можа прывесці да непажаданых наступстваў», — гаворыцца ў пасланні біскупаў. Адзначаецца таксама, што падобнага меркавання прытрымліваецца значная частка амерыканскага грамадства. http://catholic.by/2/home/world/news/40-foreign/119075-abama.html
0
нармальны пацан / Адказаць
07.09.2013 / 21:29
Нешта мне здаецца, вайну там раздзьмуваюць каб мець кіраваны хаос. У інтэрнэце па гэтай новай методыцы дастаткова інфармацыі, хто не ведае, можа пацікавіцца.
0
valerikpunk / Адказаць
08.09.2013 / 00:02
Шчыра кажучы, Абама і ЗША - такі ж рэжым, як Асада, толькі з іншым тварам. Усе нармальныя людзі супраць вайны. А якую дэмакратыю яны абаранілі у Іраку? Паскудства і бруд усе яны, вось, што я думаю.
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру